10日意大利城鄉薈萃遊第七日: 帕爾瑪(Prama) ~ 蒙那利勞(Maranello) ~ 蒙特納(Modena) ~帕爾瑪

是日行程:
往蒙那利勞區參觀法拉利超級跑車博物館
往蒙特納區參觀陳年醋釀製講解
帕爾碼市內觀光
品嘗prama ham 和 parmigiano reggiano 芝士




瞓醒一覺又精精神神, 開開心心去食早餐.
朋友話自製嘅果醬同牛角酥好好食,
不過我一早唔食落甜餐,
都係食番我至愛嘅火腿, 芝士, 茄汁黃豆, 最好來個英式全早餐就perfect嘞~

 

又要介紹一下呢部機,
煲咖啡沖茶都係靠晒佢,
咖啡蒸汽出當然係好啦,
不過連沖茶熱水都係蒸汽出, 要等好耐先蒸到一杯熱水囉,
又唔安全, 所以無得自己沖, 一定要由侍應沖呢!




由貨倉改建成酒店的外貌,
房間只有一隻大玻璃窗, 即係相片中打橫開咗嗰隻,
係電動窗嚟架, 要聰明人先搵到個電制, 咪就係我husband囉
唔知開嚟做咩, 好多昆蟲飛入嚟架,
好似房間係無冷氣.......唔記得咗 lu




法拉利跑車博物館都有好多野睇,
所有展覽車都沒有圍繩欄住, 可以近距離觀看, 
相可以影, 不過就一定唔可以觸摸,
即係唔好挨住d砵砵車嚟影相囉....無得扮香車美人..

 

 

稀有的法拉利木製賽艇, 羸過冠軍的.
 

 

 

 

 

在博物館外有幾間租車公司, 佢地同法拉利公司無關,
有興趣可以租返部法拉利車兜下風, 大約€70可以駕駛5~10分鐘, 睇你租咩類型嘅車啦,
不是在固定跑道行, 係駛出街, 好大風險啊!
 

好有型呀 (唔係靠牆嗰位喎)  ~  "天若有情"   
 

巴士站.
 

去試陳年醋啦~




 

講解咗一大餐....
只係記得..釀嘅醋在木桶內年份愈長, 因蒸發會愈來愈少, 亦愈濃厚, 所以價錢會貴好多....係咁多嘞
 

 

午餐餐廳.

唔知係咩名堂, 個炸雲吞皮漲卜卜, 新鮮炸起好香脆.
 

今個行程第一次食意大利雲吞, 唔好睇佢得幾粒, 好飽肚.
 

黑醋豬扒...覺得碟邊嘅薯茸好食好多.
 

一早知道有黑醋雪糕,
還以為用黑醋造的雪糕, 原來只係雪糕淋上黑醋.




帕爾瑪市政廳








解散咗之後團友們各自逛街, 認住個鐘樓, 集合地點在鐘樓附近.





 

 

 

 

 

 

條條街都差唔多, 如果得我自己行, 一定蕩失路,
記得上次係薩爾斯堡蕩失咗, 嚇餐死嘅..
 

 

 

試食和購買火腿芝士的舖頭,
prama ham好抵買, 大概€10有100g,
parmigiano reggiano 芝士大概€28 有1 kg.
買完火腿芝士是日行程完畢啦....
返回貨倉酒店梳洗一下又開餐囉....
好似成日食咁.....

 

又有prama ham食
 

 

好淋好有肉汁嘅燒豬肋骨.
 

因為係開放式廚房, 隔遠見到廚師好努力咁拂, 估佢係整緊沙巴翁,
好奇之下行近看看, 廚師好nice呀, 叫我入廚房睇,
問佢係咪整緊沙巴翁, 原來真係呢!
嘩~ 即製甜品....

 

已經好飽, 呢個甜品實在太美味, 最終都食晒,
朋友食到清晒碟都未捨得放下隻甜品匙,
他的賢內助即刻將自己一份比埋朋友食, 場面好溫馨啊~