8日8夜日本四國環島自駕遊 ~ 第一日:大阪

去完義大利隔唔夠兩個星期又要出發啦,
其實呢個旅程早係6月時已經開始計劃定,
比起去義大利還要早呀.

去日本我最嘆架,
有超級領隊, 又有超級司機,
策劃行程, 報package, 租酒店, 租車, 搵食都無我份.....做,
剩係人到得架啦~

今次係第一次去日本嘅四國, 四國幾個縣去晒囉 :-
兵庫縣 ~ 淡路島あわじ花じき公園, 鳴門大橋.
德島縣 ~ 靈山寺, 大步危峽、小步危峽、小便小僧.
高知縣 ~ 400年歷史名城高知城, 四万十川, 土佐清水, 四國最南端之足摺岬、、金剛福寺、足摺黒潮巿場.
愛媛縣 ~ 松山城, 日本三大古老溫泉之一道後溫泉,
香川縣 ~四國最大型購物商場You Me Town, 金刀比羅宮, 瀬戶大橋(途經), 岡山果園桃茂実苑.
大阪 ~ 神戶祇園, 京都, 心齋橋, 黑門市場.

第一日午晚餐:
心齋橋鐵板燒;
心齋橋「北のほたる」任飲任食放題.


今次又係坐凌晨機, 可以多一日行程吖嘛,
6點幾到達大阪機場, 攞埋JR pass, 
先到酒店放低行李, 再去食早餐.


 

時間尚早, 四圍都靜'英英'.

 

 

在大阪住的酒店, 交通很方便.

 

離開酒店出去食早餐啦,
揀咗呢個set,
嘩~ 兩個飯團好大個呀, 張相係細細件架喎,
食晒, 飽到呆.

 

之後再行街街, 

 

再去大丸, 大丸係日本遊必到地方呢,
影咗張相先知原來大丸內係唔可以影相, 唔好意思呀.

 

在車站內的旅遊宣傳.

 

呢隻應該係蟹卦, 佢行得好辛苦, 要人扶住先行到.

 

 

 

午餐食午牛柳鐵板燒.

 

 

食咗個2500yen嘅set, 唔平唔貴咁啦.

 

在大阪必會到的心齋橋,
雖然行咗好多次, 依然唔係好認到路.

 

最怕行行下又要避車.

 

晚餐喺心齋橋「北のほたる」任飲任食放題,
喜歡日式夜題, 因為坐定定有得食.
而且都有一定水準, 碟碟都有主菜嘅買相,
只係最怕隔離枱有人食煙就弊嘞.

 

 

 

整晚最差呢個燒雞, 肉好乾呢.

 

 

 

encore 咗好多次的燒長腳蟹, 回本了.

 

 

最正呢個甜品, 一碟有晒我喜歡的東西.
食完放題已經晚上10時, 又飽又攰,
返到酒店仲要食生果同切蛋糕, 一致贊成搭的士返酒店,
由心齋橋至西梅田的Hearton 酒店大概1500yen.




中午買咗個蛋糕慶祝朋友生日, 記得上年又係呢個時間到日本, 又慶祝朋友生日呢,
我都要搵次在外地慶祝生日先, 不過唔會攔日本.




每日都有靚生果食, 喺香港好貴呀.