紐約市街頭日與夜之日 (二)

呀! 我第一次自由行嘅brunch...

我都坐咗喺呢個梯級一陣, 感受吓時代廣場嘅熱鬧

難得自在~

正預備巴塞隆拿節, 唔啱時間無逗留係呢度.

紐約都有咩咩桃源間舖.

星期六當日, 酒店隔離整條街封咗, 開咗個market, 好開心咁由街頭行到落街尾.

最衰食咗早餐仲飽緊 ~

街檔都可以碌咭, 難怪美國國務卿嚟香港, 都話美國人要改善下d消費習慣.......唔可以碌咁多咭.

好有旺角女人街的感覺.

中央公園正門

一見到market, 幾攰都好都要行入去, 跟住幾無力都好, 又一大袋出番嚟.

就喺呢度Broadway蘯失路嘞, 太多分岔道, 搵唔番條路返酒店, 試過見到架巴士係去時代廣場, 都唔理啦, 諗住出咗去先算, 反正近酒店, 點知d巴士唔收紙幣, 突然間去邊度搵兩過半銀仔比佢吖. 個司機就猛話我' no ticket', 都唔係好明佢咩意思, 後來先知原來搭完地鐵嘅飛可以兩小時內免費轉搭巴士, 如果無飛就要用兩個半銀仔搭巴士嘞!
哼~~~唔比搭咪行囉, 咁樣就行咗成個鐘先返到酒店.

行咗咁多街影咗咁多相, 千其咪問我張相喺邊度影, 我喺一個完全無方向感嘅人嚟.