美加遊之尼加拉瀑布 (一)

由波士頓駕駛咗太約七小時, 終於到連接紐約州和加拿大嘅彩虹橋, 心情好興奮, 第一次到加拿大呀! .

兩位司機可以鬆一口氣喇!

入加拿大境囉, 位關員問逗留幾多日, 幾時走喎, 突然唔識答, 你知啦, 去旅行剩係知噚日, 今日同聽日架咋, 幾多號同星期幾都唔記得架.

一入酒店房, 見到咁壯觀嘅景, 又開心又興奮. 呢邊係加拿大境嘅瀑布.

我地就係呢間酒店住咗兩日呢! 房間嘅景好靚, 對正大瀑布.

出外旅行有時都會遇到d消費陷阱, 見枱頭有4樽水寫住 complimentary, 又話喺lobby 有free wifi, 原來要join 個package 先有, 仲要如果你唔要個package, 唔該你自己打電話去front desk 取消,唔係嘅話會charge 你費用架. 好在我夠晒八, 睇晒佢枱頭嘅 notice.

因為喺呢度好多時都見到彩虹, 所以叫彩虹橋???

這道彩虹由加拿大境嘅瀑布橫跨至美國境嘅瀑布, 我自己好難得見到呢.

美國境的瀑布.

起初我著件雨衣都係包到實, 後來都係索性撥開帽子, 任由瀑布嘅水花灑在面上,  好舒服~

瀑布旅遊區一帶都是荷里活式的街道.

呢晚就在Niagara Falls 嘅 Skylon Tower吃晚餐.

白磨菇用醋煮, 好酸呀, 食左一粒食唔到嘞.

呢杯啫喱有d童年時食嘅感覺...好味!

加拿大嘅餐飲除左比16%稅之外, 仲要另外比10% service charge,未試過比得咁豪.

五點幾起身等日出, 在房間望出去, 四周寂靜嘅環境和澎湃洶湧嘅瀑布, 有好強烈的對比, 感覺好奇妙.

新一天又開始啦~