騎呢晚餐 ~ 芥末醬焗豬肋骨, 牛肝菌醬蒸馬友, 潮州粥.

好古怪的配搭, 
沒法子喇, 
昨日去了會展美食節血拼, 
今日仍未回復原氣, 
打開雪櫃求其拎上手就煮,
無胃口食飯, 煲粥食.

芥末醬焗豬肋骨,
用芥末醬加香草醃好, 220度焗40分鐘就食得.
伴上自家製蒜茸很美味,
呀女話蒜茸好正係極品喎, 
佢好少讚架, 但我又唔覺有咩特別. 

牛肝菌醬蒸馬友
在會展買的急凍馬友魚柳, 
都有少少魚.....的鯹味囉, 都可以接受, 
肉質唔錯, 我諗煎會比較好食.

一煲加了鹹蛋和皮蛋的白粥.

昨日和好友一共三人, 在灣仔飲完早茶就去美食展, 
已經排到上二樓行人天橋, 
不過十時開始入場之後, 好快就入到場內.

我們三人的戰利品, 由下數上5袋是我的呢,
行的時間唔多, 大約一個小時已經完成任務, 滿載而歸.
因為其中好友早一日入場視察環境,
所以有策略地知道要買什麼.
不過買完之後就要搵救兵了, 在會展門外等車接應.

有花竹蝦, 魚柳,  鹿兒島西冷豬扒,
牛柳粒, 油甘魚鮫, 北海道帶子.

送禮自用都啱用的鮑魚.

 $115元一個北海道富良野赤肉蜜瓜, 北海道先有嘅白粟米.

北海道白粟米可以生吃, 清甜多汁.
美食展明天完結喇, 好唔好去多次呢~
因為有好多地方未行啊!