美國遊記7月11日 ~ 威斯丁度假酒店

呢日在酒店感受一下寧靜舒暢時刻.
細佬和兩姪女就去酒店的人工沙灘曬太陽, 游水和玩獨木舟, 11點幾玩到5點, 再見姪女們時, 見她們曬得紅噹噹, 肉赤C我了.

酒店的早餐主要都係即煎奄列, 連續食過8日奄列之後, 見到雞蛋都怕怕.

 酒店人工沙灘.

 

離酒店大約10分鐘車程有一個小鎮, 好有歐陸風情, 如果遇啱時間還會有個市集.

 遊完小鎮再出Vegas睇酒店的噴水池和火光表演.

Mirage酒店的火光表演好熱鬧, 更是熱氣逼人, 看到尾段我要離開人群, 退到後排,  因為雙腳感覺到被火灼似的.
睇完表演突然見到大姪女面青唇白, 細佬立刻扶她坐在路邊石階, 細佬趕去取車再接大家回酒店, 姪女坐在石階休息時, 有好心的遊客和賣水的小販都送上樽裝水, 我們都有水樽在身, 所以都婉拒答謝, 幸好姪女返到酒店休息後沒事了, 嚇得我好擔心呢, 可能這天曬得太利害吧.