美國遊記7月18日至20日 ~ 再見拉斯維加斯, 返回波士頓.

7月18日
食完早餐, 執好行李退房後, 又要駕長途車返回拉斯維加斯,大概11點幾由加州的酒店出車, 下午3時到達Vegas, 晚上7時才還車, 10時上機回波士頓.
哈哈! 還有機會吃個自助餐, 永利酒店的自助晚餐由3點/4點咁上下開始, 大把時間可以慢慢歎囉.
還車的地方和機場都有很多捐贈箱, 就是把用剩而又未飲過的水呀, 汽水呀捐出, 呢個構思幾好吖, 因為去超市買飲品通常是一整箱24支買, 我地都有未飲過飲品, 唔使浪費.

坐長途車搵d細藝搞下無咁悶.

沿途無風景嘅風景.

去到Vegas姪女話要影個路標, 呢日有44度, 搵位泊車時, 我諗係我地咁傻, 去到原來已經有好多人排隊, 企下企下我對鞋底溶溶地, 成對鞋軟晒.  
排前面幾個女仔係咁塗太陽油.
跟住見到有兩部旅遊巴駛到, 嘩! 兩車幾拾人, 慶幸我們早到一步. 不過佢地領隊見咁環境都好識應變, 大隊在路標側面影大合影便上回車, 唔係嘅話排得嚟暈幾個都有份.

估唔到在兩旁馬路中央的路標咁大吸引力.

呢日真係好熱, 不是落雨, 而是露邊餐廳的欄杆不停噴出霧水降溫.

吃過幾次自助餐, 回港要減肥囉.

7月19日
搭完夜機, 回到波士頓是早上約6點, 拉斯維加斯和波士頓有3小時的時差.
落機之後搭免費機場巴士到subway, 再搭subway (又是免費的)到細佬屋企附近車站, 細佬一個人步行回家取車再接我們, 好方便.
這天除了休息就是執拾行李, 因為回港日子快到了, 開始唔捨得.

 細佬家附近的車站.

我們出發時, 細佬屋企門前的花還是花蕾, 再見時已經開得好燦爛.

7月20日
在家食完早餐, 駕車出碼頭行Quincy Market.
去超市買菜買龍蝦回家, 晚上打邊爐.

 波士頓的唐人街, 細佬問我有無興趣落車行下唐人街...唔使囉.

 想泊車要計清計楚.

 好似道具火雞.

 今日等登留肚食呢個波士頓周打湯包, 好好食, 包都清埋.

 好生鬼的旋轉木波士頓龍蝦.

 一間韓式超市, 專賣韓國貨品, 材料靚些也貴些, 見到一包有12片獨立包裝的kit kat賣8多美元.

兩隻波士頓龍蝦大約5磅幾, 只係四拾幾蚊.
原來波士頓龍蝦並不是波士頓出產而是緬因州出產的.

估唔到美國出品的豆腐可以咁滑咁有豆味, 而且價錢便宜.
7磅半唔使3蚊.

 好回味呢盒豆腐.

 美國海膽好鮮味, 好抵呀.

一片香濃味美滑豆腐和鮮味海膽, 配上龍蝦湯底, 真是極品呢.