是日晚餐 ~ 沙律, 焗洋蔥湯, 香草雞腿飯, 黑森林蛋糕

往紅棉道婚姻註冊處觀禮完畢..
順道在大古廣場超市買菜...噢..
貴過citysuper

沙律 ~ 有沙律菜, 小蕃茄, 芝士, 烚蛋, 橄欖油, 黑甜醋. 
雞蛋來自新架坡, 百佳新上架貨品, 說是少30%膽固醇, 價錢不便宜呢, 42元6隻, 但不覺有雞蛋香味, 蛋白部份口感麻麻, 可能健康的東西就是這樣啦~

焗法式洋蔥湯, 呀囡最鍾意飲..

香草雞腿飯 ~ 都是普普通通用乾香草醃好雞腿煮成.

great 的黑森林蛋糕是我至愛,
三層蛋糕, 薄薄的cream, 夾著軟軟的車厘, 由其蛋糕面上的酒浸車厘, 很回味, 可惜只有8粒, 預你分切八件掛.
不要買方形散件的, 一定要買全個, 覺得兩者不一樣.

焗法式洋蔥湯
1.鍋開中火, 放入適量牛油或橄欖油煮溶, 加入洋蔥絲(兩個至3個), 少許鹽及糖炒2分鐘, 加蓋煮, 每隔2-3分鐘開蓋攪拌一次, 直至洋蔥變軟身後, 轉用大火開蓋炒至洋蔥微微呈金黃色. (炒至有微焦也可以, 只要唔好有燶味就得啦, 有少許焦, 湯會深色些好睇d)

2.熄火, 加入5克麵粉撈勻.

3.先倒入白酒約100毫升, 將洋蔥與麵粉攪至完全混和, 再加入雞湯/牛湯250毫升和水250毫升, 新鮮百里香一束及黑椒碎,開大火煮滾後, 轉用小火煮15分鐘. 隨即從湯中取出百里香.

4.將洋蔥湯放入焗盅內, 加上法包多士及撒上芝士碎, 放入攝氏220度焗爐焗10分鐘至芝士變成金黃色.