台北3日兩夜~ 第3日: 陽明山 ~ 國寶故宮博物院

開心日子過得特別快, 呢日要搭黃昏機返香港.
一早在酒店吃過早餐, 出捷運站打算搭車往故宮博物院, 因為到站後要再轉公車, 我們對著交通路線圖, 正在猶疑的時候, 好人站長主動教我們, 才知道去陽明山都好方便, 一早知道適逢陽明山花期, 所以先去睇花, 聽司機叔叔講那處的櫻花好靚.

櫻花很美, 想信比起日本的還相差很遠, 總算睇過櫻花.....我第一次見呀.

 

 

 

 

賞完花再到故宮, 在博物館內唔可以影相, 連我的背囊都要放進儲物室呢, 水也不可以帶入內.
那些國寶文物由新石器時代至中華民國, 大概有文字書畫, 玉石瓷器, 民間用品, 皇帝珍寶....多到吖, 睇完都唔記得咁多, 只記得最多珍寶是屬於乾隆皇帝的.

離開故宮乘的士返酒店附近吃午飯, 問司機有什麼推介, 他介紹我們到阿宗麵線, 說是在西門町一處橫街,
找到啦, 才知要企在門口吃, 唯有打退堂鼓,
見咁多人, 想信都很美味吧.

食完午飯還有時間在酒店附近逛逛.

終於飲咗白苦瓜汁,
苦瓜乾唔要啦~

又食咗紅豆餅, 真材實料呀, 唔太甜, 滿滿紅豆茸, 可惜放涼了.

呢間酒店唔錯呢, 乾淨企理, 最like房有免費wifi.

在房間望落街, '嘩' ....一聲, 好多電單車呀
 

好鍾意房間內呢個小雪櫃, 好cute, 好想買個返屋企.