又到一年的腎科覆診期,
登記好, 開始呆坐..
一班老公公老婆婆,
埋怨..
話睇醫生要等好耐...
...其實佢地唔使咁早到吖..
預約咗10點45分...何解9點就去到呢...
我通常比預約時間早15分鐘已經足夠...
一個14..5歲的少年,
瘦骨嶙峋..
在消毒搓手液機旁, 喃喃自語, 不停把消毒液搓擦雙手..
一個廿來歲的青年,
鎖著粗粗的手銬, 由兩名懲教職員名帶著..
在等候的一個小時內..
該青年去了廁所4次..
去第4次時..
其中一個懲教職員說: 跟住你兩頭騰, 咩都唔使做啦...
令我聯想到....
不可一 不可再
隔離行的女士,
趁另一半看報紙, 看得入神..
乘機偷看他的手機..
被發覺後, 換來幾句嘈吵..
靜了一會..
男的說: 你成日吼我瞓著都偷睇我電話架啦..
鄰坐的男人,
不停搖腳...
令到一連四個座位都搖...
我不得不換個位...
有冇帶本雜誌?
回覆刪除[版主回覆03/25/2012 00:35:08]下次帶
早15分鐘到都見到咁多o野.
回覆刪除[版主回覆03/25/2012 00:36:11]唔係呀, 我都等咗成個鐘先見醫生.
啲公公婆婆成日諗住早啲到，有機會早啲睇醫生嘛! 我呢，就最憎人係到UN腳，比我就會同亞先生講，先生，可唔可以唔好UN腳呀，我比你UN頭頭都暈
回覆刪除[李小六回覆03/29/2012 22:21:21]世上就係有啲咁屎衰嘅男人
[版主回覆03/29/2012 12:49:23]又會有咁衰嘅男人.....
[李小六回覆03/27/2012 19:34:00]我上次坐巴士又係咁，後面一男一女，男果個用個膝頂住我張椅背，頂一次我算，但佢頂玩呢個位頂果個位，我就轉頭同佢講: 先生，唔該唔好頂個椅背，你頂到我坐得好辛苦。跟住呢個屎佬仲話: 我腳長呀嘛! 跟住我再轉頭，佢隔離個女人就話: 得喇得喇，唔好頂椅背嘛! 佢咪同個屎佬講，唔好再頂喇
[版主回覆03/27/2012 13:31:34]我唔得出聲呀, 得我一個人, 好漢不吃眼前虧呀, 佢打我就c啦...
我好怕等睇症, 等待唔緊要, 但預約時間往往無意義, 早上9時預約, 要求15分鐘前要登記, 自己又要預車程早到15分鐘, 最終試過下午5時才走得! 連食飯去廁所都唔敢行開, 無計, 鬼叫你要睇專科醫生, 有可能要長期跟進! 慶幸現在唔需要....., 只需一年覆診一次
回覆刪除[版主回覆03/27/2012 13:36:35]嘩, 要睇成日真係好煩悶.
我通常好快就可以走得最多兩個鐘, 可能醫生巡房或者有手術要做啦, 我唔使即日檢查, 次次都係覆診前兩個星期檢查, 跟住應約睇報告就得啦.