司機叔叔解釋, 含豐富礦物質的山水由山上礦場廢址流下, 再流入海中令海水呈黃褐色, 和大平洋海水相對, 呈現唔同顏色, 所以叫陰陽海.
十分有個瀑布, 不過入去瀑布區要80元台幣一人, 唔睇啦.
司機都話個瀑布係天然嘅,屬於政府, 但係店鋪要收錢, 唔合理, 好唔抵.
如果幫襯店鋪就減收30元, 真係奇怪.
喺附近望吓d小瀑布算啦...
到咗平溪啦, 好緊張啊! 第一次放孔明燈.
當地人叫天燈, 可以和天神傳遞訊息, 唔知係咪愈升得高愈好呢, 咁先接收到嘛~
寫些祈福句語許願先...
見有人寫到個天燈密麻麻.
我兩個就夠囉! 一個係身體健康, 另一個係周遊列國.
呢度好攪笑架, 一有火車嚟,
就會有人大叫, '火車嚟啦', d人就跑晒兩邊行人路,
車走咗, 又落番路軌.
行落路軌要罰錢架, 不過無人理會呢!
菁桐車站對出的石雕.
去李錦利買八仙果, 呢間老字號呀.
支砰砰槍好可愛啊 ~
當然又係得個行字, 食物唔啱食~
第二日嘅行程好圓滿結束啦 ~ 好滿足好開心!
呢個鎮幾有趣,多謝分享!
回覆刪除[版主回覆03/08/2012 21:59:55]謝謝你呀!
香港放天燈是犯法的.
回覆刪除如有機會幫我加多一句"零戰爭, 天災行遠啲!"
[小v回覆03/09/2012 22:37:22]係?上幾年中秋係香港見到wo...
粉嶺圍好多人放呀,成個天都係~
[版主回覆03/09/2012 18:14:54]係呀, 香港唔可以放孔明燈.
台灣嗰d可能設計過, 安全些吧, 如果唔係日日有咁多人放就好危險啦!
有機會的話一定.
行程好好玩呀，我未試過，也未見過人放孔明燈，有機會要去看看。
回覆刪除[版主回覆03/09/2012 20:12:12]我都係第一次見呢, 又第一次到台灣, 好多事物都好新奇, 由其是食物方面, 佢地喜愛煎炸食物, 雞尾, 鴨頭鴨頸都有得賣.
身體健康, 周遊列國>> 咁你有冇寫埋周遊列國時身體健康呢?
回覆刪除[版主回覆03/13/2012 13:24:06]哎呀!又漏咗寫, 下次去要寫到成個燈滿曬先得囉.
別有一番風情
回覆刪除[版主回覆03/13/2012 13:24:29]係呀, 好特別好有氣氛.
你寫"心想事成"，想點都得啦！
回覆刪除[版主回覆03/14/2012 11:45:48]係播, 下次寫過.
台灣夜市，第一晚去覺得新鮮好玩，第二晚去同樣熱鬧，第三晚去便千篇一律！
回覆刪除[版主回覆03/14/2012 22:19:55]好有同感呀, 通街都是炸雞排, 成個夜市都有萬年油嘅味.