呢部就係我地嘅戰車嘞, 部車交比我地時都係行咗大約一千km, 一上車仲有陣新車味.
雖然有少少雨粉, 景色好美!
遊人都好多呢, 好難先搵到個欄杆影相位~
欣賞完夜景去醫肚囉..
好懷念日本嘅拉麵呀
我嘅鹽味拉麵!
喺開放式廚房又學到野啦, 平時我整麵豉湯, 都係煲滾d水, 然後'pet' d 麵豉落去, 原來要爆吓d麵豉先, 之後再加水 ~
去酒店囉~
我嘅飛佛....行超市, 呢晚好想飲鮮奶, 咁樣一盒鮮奶就出事喇, 飲完即刻唔舒服, 我估係腸胃炎囉
已經無得瞓仲成晚聽到怪聲, 我張床貼近牆, 牆後係廁所, 道牆就成晚'裂裂嘞', d聲就係我面前咁, 不過我都無氣力去驚, 由佢啦........唔好現形就得啦!
行超市的收獲
又去托米. 哈哈.
回覆刪除[版主回覆11/01/2011 11:46:10]香港貴d嘛, 今次都係象徵式買咗兩kg.
我都係好鍾意入超市, 見到裡面新鮮的生果,魚生,帶子, 就算不買, 淨看已足夠了.
回覆刪除[版主回覆11/01/2011 11:47:26]係呀, 我都係見到d食物食材擺得整整齊齊咁好開心架~
函館的夜景真係好靚，那幅如扇般的美麗圖畫，仍在腦海中，但家人無論如何
回覆刪除都堅持話near future 唔去日本喎。
[版主回覆11/02/2011 13:02:03]高處望落萬家燈火嘅函館真係好美, 可惜我地去果陣落著毛毛細雨. 可以遲些去啦!
我試過租過一架七人Van，部車交比我地時，只得 50公哩，即事話係成架新車直接由車行揸至租車公司嚟交被我，哈哈哈！我由多倫多出發，差不多行晒成個東岸主要城市，揸咗九日，還車時，行咗五千公哩，都算係咁啦！嘩！哈哈！
回覆刪除[版主回覆11/03/2011 14:47:11]嘩! 新車落地, 行起上嚟都開心d嘅. 行咗幾日公路之後, 有好多昆蟲撻咗係車頭, 雖然部車唔係自己, 都會唔抵得抹吓佢.
哇 , 妳睇到的夜景靚過我多多聲噃.
回覆刪除拉麵共和國.......函館也有嗎? 我只係知在札幌esta有一間........d叉燒好靚呀, 仲有最好加一隻醬油溏心蛋.
[版主回覆11/06/2011 21:16:59]拉麵共和國就喺金森倉庫群附近, 下次食拉麵記得加隻溏心蛋先.