酒店Chisun Grand Hakodate外景
函館朝市駅二市場
團友話要食一頓好豪嘅早飯, 食早飯有益喎, 我就無得食啦, 一嚟係魚生而且我跟本食唔落, 成個人飄吓飄吓咁跟住大隊行, 剩係想快d有張凳坐吓.
搵啱舖頭有得坐啦
海膽飯......無份食, 如果唔係唔舒服嘅話, 我一定食呢個海膽飯呀
husband 嘅三色丼.........無份食
雙併飯.........無份食
喺餐牌搵到一樣啱我嘅.......海膽粥, 早餐終於有著落, 仲食到兩碗仔添.
多寶魚刺身??? 唔會掛,
想佢唔郁要反轉佢
行行吓都係唔舒服, 坐咗喺度對住個燈箱做呀呆, 後來佢地食長腳蟹, 因為要煮45分鐘, 所以我就返去車休息, 食就當然無份啦!
以為個出門發瘟症棄我而去啦, 點知又搵番我, 我下次一定會再小心d架啦!
又係喎. 睇你出親門都係病喎. 係咪心理作用呢?
回覆刪除[版主回覆11/02/2011 12:50:46]係啦, 有都唔出奇, 依家整整吓去旅行都有壓力, 最怕影響到團友心情囉.
wow... everything looks GREAT ! lau hau sui + ing !
回覆刪除[版主回覆11/03/2011 14:33:45]樣樣都好新鮮呀, 我嘅海膽粥都好香海膽鮮味, 唔會因為煮粥就用d劣質嘅.
看見一間一間屋仔, 個心已經飛咗去, 一排排色香味的時令生果, 一碗碗令人流晒口水的早餐, 對於你只能睇不能品嘗真可惜, 都係個句, 保重身體!
回覆刪除[版主回覆11/03/2011 14:35:36]最緊要係唔使坐咁耐機囉. 謝謝你呀, 下次要小心d啦.
個個朋友都話日本好正,但自己一次都未去過.....因為實在太貴...一家四口去,最少都要3-4萬啊...!再加上現在日元咁貴...睇怕有排都唔駛去囉...
回覆刪除[版主回覆11/03/2011 14:42:34]日本都值得去架~ haha, 我自己有個旅遊基金架, 平時趁平少少.....少少咁兌定d外幣, 留番旅行用, 咁去旅行嗰個月就唔使咁傷啦!
好想再去吃朝市的海鮮飯呀!.......海膽粥, 好味呀, 下次一定要試吓.
回覆刪除哎呀 , 你在函館中招嗎, 好掃興bor.
[版主回覆11/06/2011 21:13:02]係呀, 喺函館飲咗盒十勝奶出事囉, 飲時我都覺得味道怪怪的, 問husband, 佢又話係咁, 咪飲囉, 好快見效啦, 不過唔知點解husband又無事喎, 可能佢抵抗力好d囉.