雪櫃嘅紅豆茸夠整半份, 另半份用咗有機車厘子乾, 車厘子乾本身就好好味, 但係講味道始終都係紅豆同抹茶味夾d.
打好麵團 ~ 當然又係用麵包機打啦, 份量都係用麵包機比嘅份量, 2杯高筋麵粉,抹茶粉大約10克啦, 3/4杯水, 1/2茶匙鹽, 1 1/2湯匙糖, 1 1/2湯匙奶粉, 1湯匙牛油, 1茶匙酵母粉.
發酵至大兩倍
分咗兩份
唧紅豆茸
切好一條條再卷
最後發酵大概30分鐘..
180度焗咗22分鐘.
出爐啦, 賣相唔多好, 諗住都係失敗啦, 趕住出街食飯, 唔理佢住啦... 不過唔多開心囉~
食完飯返屋企, 好心急試食一個, 點知食吓食吓, 竟然食咗4個, husband 仲整埋泡沫綠茶, 真係肥C..
原來又幾好味, 又軟熟~
如果步驟有錯話我知喎~
我未試用抹茶整麵包!你整得好好呀!
回覆刪除[版主回覆11/23/2011 22:17:08]我好鐘意抹茶味架! 以前好羨慕人地整麵包, 依家自己都叫做整到, 好開心呢!
賣相唔太差啦╴好食最重要,可能因為紅豆有粒粒的口感,所以用你的方法卷會"啜"出黎,
回覆刪除[版主回覆11/24/2011 18:56:49]d紅豆我又覺得無問題, 而係個包唔得漲卜卜, 條邊好似好死咁囉...
好 HOME-MADE ^^
回覆刪除[版主回覆11/24/2011 23:10:04]自己整嘅特別好味呀~
用麵包機搓出來的麵團好好丫, 睇得出已經起膜了. 紅豆綠茶好味呀.......鬼整沙田的city又冇紅豆蓉賣, 又冇九鬼賣...... ......成條捲好, 再用牙線界開一碌碌, 應該會易d呢.
回覆刪除[A moon回覆11/25/2011 20:49:47]都好呀, 3號玩返個簡單的包包都好, 我都係點綠茶紅豆 haha
[版主回覆11/24/2011 23:09:08]哈哈! 咁我唔使買大機lu. 下次用你講嘅方法先, 我想試整火腿芝士卷呢. 我包紅豆茸喺吉之島買架. 嘻嘻, 不過我仲有一包喺北海道買的留番3號整, 到時睇下整包定整卷.
睇得出好鬆軟, 唔錯唔錯....
回覆刪除[版主回覆11/28/2011 14:29:18]係呀, 好鬆軟, 希望有時間整多d, 攞多d經驗啦.
你係一位老師呀!!!!!!!
回覆刪除或是一位師父呀!!!!!!!!!!!
HA HA
雖然大家唔認識大家,但係我們可否做朋友呢??????
^^
[版主回覆12/07/2011 14:56:58]兩者都不是呢!
多謝到訪, 高興認識你呀!
好想食呀!!!!!!
回覆刪除這些食物好吸引呀!!!!!!!
:〉
[版主回覆12/07/2011 16:35:06]我都係學吓試吓.