出發前聚餐

就快又出發啦, 慣例又和團友們聚一聚, 商量一吓行程.

今次改一改, 唔整西餐啦, 整中菜囉~

 

團友話鍾意食我整嘅沙律, 所以中菜都加沙律;

用青瓜打茸做嘅沙律醬配沙律好清新...

松露醬薯仔沙律

 

d蟹本來放喺洗衣機頂嘅碗盆內, 竟然有一隻蟹偷走咗出廳都無人知, 佢偷走嘅樣喺升高晒d腳, 仲要係突然喺梳化底走出嚟, 好攪笑,而家就乖乖嘞~

 

奄仔蟹超讚~

 

雜菌燴北海道南瓜, 原本有支竹, 不過掛住傾, 煮燶咗, 少咗一樣配料, 激C呀~

 

黃豆涼瓜炆嘉美雞, 配料仲有白果, 馬蹄, 杞子, 紅棗, 元肉, 係一味藥膳菜色.

 

飲咗2支白酒, 一支冰酒, 仲要雪糕加冰酒.....