松露醬溏心蛋

前幾日行太古城超市,
見到有孖裝松露醬$139兩樽,
真唔敢相信, 因為平時一樽都要百多元.
唔知係咪好耐無行超市, 見到樣樣都想買,
咁就比佢拖走咗我一隻金牛,
哈哈! 全部都是食物來的.

松露醬包裝內有一張小咭,
兩面都有一個食譜,
一個係黑松露溏心蛋,
另一個係牛肝菌醬伴意大利粉,
兩個煮法都好簡單,
今日試咗黑松露溏心蛋, 好美味呀.
其實我都有去上堂學整溏心蛋,
蛋的數目和時間要處理得好,
覺得好難, 所以一直都未有煮過,
第一次整就成功好開心呢.
husband食過之後話...以後點出去食嘢!

意大利樂其雅食譜:
雞蛋4隻
鹽2茶匙
黑松露菌醬適量
1.將生雞蛋從冰箱取出後先泡在水裡至少一小時直到恢復室溫.
2.開水於鍋中煮沸後轉小火, 倒入鹽, 接著放雞蛋.
3.把雞蛋煮2分鐘, 熄火焗4分鐘.
4.將雞蛋浸泡在冷水裡冷卻, 避免餘溫使蛋黃熟透.
5.輕輕撥開蛋殼後, 將雞蛋對半切開備用.
6.最後, 在溏心蛋上放上適量黑松露醬即可.

我的經驗是要用個大又高身的煲, 水要起碼一半以上.

一樽黑松露醬, 一樽牛肝菌醬, 各90克一樽,賣$139真係好抵呢.
和朋友講, 朋友都有去買, 朋友話係做緊推廣, 在太只做一星期推廣, 早知我買多一pack喇.