呢幾日真係熱,
日日都有32度以上,
無乜心機煮飯,
都好似有5....6日無煲飯tim~
其實最令我無心機嘅係,
近呢兩個月個胃唔多舒服,
有時突然間好似火燒心咁,
痛到標冷汗,
醫生話可能係胃酸倒流喎~
睇醫生時, 醫生問咗我一個好有趣嘅問題,
佢問我係咪仲係得一個腎,
好鬼愕然...
夠用算啦, 無啦啦點會又整多撻"啦"
醫生寫紙比我去瑪嘉烈照胃鏡,
我第一時間問佢係咪會嘔餐C架,
醫生笑住答我話唔會喎,
係有少少唔舒服咁話喎,
我覺得佢都係呃我多d囉,
我都係自己搵私家照好d...
~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇番我餐飯先....
日日都有32度以上,
無乜心機煮飯,
都好似有5....6日無煲飯tim~
其實最令我無心機嘅係,
近呢兩個月個胃唔多舒服,
有時突然間好似火燒心咁,
痛到標冷汗,
醫生話可能係胃酸倒流喎~
睇醫生時, 醫生問咗我一個好有趣嘅問題,
佢問我係咪仲係得一個腎,
好鬼愕然...
夠用算啦, 無啦啦點會又整多撻"啦"
醫生寫紙比我去瑪嘉烈照胃鏡,
我第一時間問佢係咪會嘔餐C架,
醫生笑住答我話唔會喎,
係有少少唔舒服咁話喎,
我覺得佢都係呃我多d囉,
我都係自己搵私家照好d...
~~~~~~~~~~~~~~~~~~~~~~~~~~~~~~~~~~~~~~~~~~~~~~~
睇番我餐飯先....
最鍾意整沙律,
買幾樣材料撈埋就有得食咯,
沙律汁只係用咗橄欖油同黑醋.
簡簡單單用洋蔥, 紅甜椒, 蕃茄,
加pat茄膏同意大利銀魚醬整咗個意粉汁..
煎塊銀雪魚..
下午整定個紅豆抹茶雪芳.
個雪芳升得好靚呀~
~~~~~~~~~~~~~~~~~~~~~~~~~~~~~~~~~~~~~
搭單講多少少....
廸士尼嘅[灰熊山谷]喺14日今個星期六正式開幕啦,
因為被抽中可以預早體驗一吓,
上個星期六去咗啦,
第一次玩過山車,
見細細個嘅細路都可以玩,
我諗我都OK卦,
點知好鬼刺激,
卡車會退後急速掟彎,
又突然衝前,
後面個細路女就係咁喊,
我捉住husband手臂,
幾大都唔放手,
玩完腳都軟,
好在忍得住無嘔,
下次咪攪我......
我想玩啊.
回覆刪除[版主回覆07/13/2012 16:25:59]啱你d後生玩呀!
唔認老都唔得,機動遊戲實冇我份。
回覆刪除[版主回覆07/14/2012 17:43:06]玩遊戲都要量力而為, 辛苦自己就弊啦.
明天星期六...快樂的一天...
回覆刪除機動遊戲實冇我份...我怕高...
[版主回覆07/14/2012 17:43:56]我都好少玩, 我玩d好bb班架咋.
不論睇政府或私家, 最緊要係跟進...唔好拖延...!
回覆刪除我印象最心刻係玩富士急嗰個過山車, 我都唔記得角度有幾多, 淨喺記得跌落嚟時pat pat離開個位.....
年紀大, 心血少..., 現在唔敢玩了.....
[版主回覆07/14/2012 17:46:55]我約咗下個星期照, 到時睇吓咩情況啦.
我唔玩過山車架, 我以為係好似火車咁咋.
我唔玩機動遊戲架!受不到剌激!
回覆刪除你保重身體呀!注意下飲食啦!
[版主回覆07/14/2012 17:47:56]謝謝你呀!
我都受唔到刺激, 無啦啦驚一餐.
保重身體呀. 可以上網查吓有無相關資料了解一下囉.
回覆刪除[小倩 (Jade)回覆07/17/2012 14:24:07]take good care ar
[版主回覆07/14/2012 17:49:09]謝謝你~我上網搵咗資料, 約咗下個星期照胃鏡, 而家都有藥食, 好d啦.
呢種咁「濕粹」既機動遊戲我一定唔會玩,都唔夠刺激。
回覆刪除[版主回覆07/14/2012 17:52:21]你地後生梗係濕碎啦, 佢都有幾個位置有離心力架, 最犀利佢係退後掟彎, 我玩完無事都算叻架啦.
照胃鏡去私家應該舒服 d..
回覆刪除吓!係廸士尼玩過山車,..驚極有限啦
[版主回覆07/14/2012 17:54:18]係呀, 約咗去私家照, 個個都話好d.
都好刺激架, 不過好過space mountain 入面黑蚊蚊, 咩都睇唔到.
晚餐好豐富,近來太熱,不想吃米飯,沙律加意粉真醒胃。
回覆刪除[版主回覆07/14/2012 17:55:28]好在呢一兩日都落吓雨囉. 我都唔想食飯, 食吓粥都好d.
你搭單講廸士尼嘅[灰熊山谷]...因為被抽中可以預早體驗一吓....
回覆刪除你真係有運行呢! 咁好彩!
[版主回覆07/14/2012 17:58:11]只不過係我張廸士尼年票被抽中, 早d去都好, 少d人囉, 正式開幕就會好多人, 排隊一定都好耐.
好餸. take care
回覆刪除[版主回覆07/14/2012 21:50:20]謝謝啦!
我都好少玩...也是玩BB班架...咋...多數行下...食下...OK...
回覆刪除[版主回覆07/15/2012 19:39:13]休休閒食吓..行吓已經開心啦, 唔好咁刺激囉..
聽講照胃好辛苦架不過你都要騇清楚好啲!
回覆刪除[版主回覆07/15/2012 19:39:51]我都聽過吓, 不過無計啦.....
個胃好些未?小心健康!
回覆刪除[版主回覆07/24/2012 23:18:35]報告出咗, 無大問題, 只係胃酸多,有少少胃炎, 食完藥應該無事啦!