勇闖北京 ~ 胡同, 鐘鼓樓

北京遊到尾聲嘞, 想去嘅地方都去左, 呢日搭地鐵去四圍逛逛, 第4日啦, 睇嚟可以擺脫我嘅出門發瘟症嘞.

 

 

 

 

 

 

 

65蚊人民幣一人一票, 有人帶你去參觀鐘鼓樓, 坐人力車遊胡同...

不過做左小水魚喇........睇完鐘樓, 被帶到一間小屋, 首先有人介紹北京歷史, 地勢同風水, 再睇貔貅玉石, 當然又係想我地幫襯啦, 佢地話開過光, 價錢都唔平呀, 仲話開過光唔可以影相.

 

 

 

 

 

 

 

 

 

鐘鼓樓建於1240年, 當時報時係白天敲鐘, 晚上敲鼓.

 

 

 

呢度好大風呀, 吹到人都癲...

 

 

 

敲鐘108吓, 咪好嘈? 

 

睇完鐘樓坐人力車遊胡同....

 

最後比佢地掉低我地入去呢間屋, 兩位人力車大叔仲要索小費呢....

無乜意思嘅景點, 我完全無聽個姐姐仔講解, 反正我都唔識煲冬瓜.....

睇完呢度散band嘞, 出左門口, 真係唔多妥, 都唔知係邊, 又唔載我地返起點, 我地仲未參觀鼓樓喎, 不過算啦, 咪鬼激氣, 一於去食餐美味嘅開心番~

 

終於搵到早日個本地司機話未聽過嘅北平樓.

呢間北平樓嘅食物好地道, 好好味呢, 有機會大家可以去試吓, 真係唔錯:北京北平樓, 朝阳区惠新东街19号(惠侨钣店二房).

 

可以叫半份嘅烤鴨, 人少就可以試多d其他菜.