好地道嘅湯水, 有五指毛桃(我都唔知係乜), 山坑螺, 不知名嘅魚仔, 仲有唔知乜........話好有益架喎, 你敢唔敢飲吖, 我知道有咩料都無再飲落去......., 不過佢地個個都話咩清熱排毒, 總之有好多好處, 見佢地飲完再飲.
餐餐都有嘅雞, 返到香港有排都唔想食雞 lu.
又係餐餐都有嘅呢種魚, 鬼死咁多骨, d骨又幼....
好多餐都有嘅雜菌煮魚旦
呢種河蝦, 喺韶關好出名, 係貴價菜式, 可惜太鹹.
我最穩陣都係食呢味菜, d豆腐好新鮮.
麗宮溫泉酒店, 唔錯! 地方好大, 好乾淨企理.
房間都唔錯架, 不過樓上唔知攪乜鬼, 成晚拉床拉凳咁, 嘈到死.
如果我唔係病到呆呆地我都要買番d煙火爆竹玩吓.
係韶關3日, 3日都落雨, 雖然只係毛毛雨, 都唔係咁方便, 污污漕咁, 第一晚仲病埋, 不過都玩得開心架, 因為又係同世界遊團友一齊出發, 不時有講有笑, 又照顧週到, 另外又體驗到祖國先進嘅一面, 都不枉此行呀.........
沒有留言:
張貼留言