2016 倫敦 ~ 最後遊盪

最後一日在倫敦, 要搭黃昏機回港喇,
好唔捨得, 唔知幾時會再遊倫敦,
愈來愈怕坐長途機,
愈來愈怕時差這樣東西.
好友回港航班和我們不同,
她們一早要到機場,
我們就作最後衝刺,
這天也有個任務, 就是想買對帆船鞋.

在酒店食完早餐, 搭地鐵出外,
開始對地鐵有些熟絡就要走喇.

看到雜誌對對女裝鞋好有興趣.

又好喜歡這件褸.

早一日查GPS日已知道邊度有最近分店,
但去到又搵唔到間舖,
搵左個半鐘最後才發覺"已結業"這三個字, 唯有隨緣喇.

當好迷網搵這間店時,
路邊一個賣報紙攤檔的中年男人問我們搵什麼地方,
可惜他也不清楚, 知道我們是香港人,
他竟然問我們住在香港, 九龍還是新界,
詳談下原來他爸爸是港英政府時的英兵,
所以他兒時住在香港, 97之後就舉家返回英國,
雖然不認識他, 突然有種同鄉感覺.

沒有路線沒有地圖四圍盪,
都有意外收穫,
行左去China Town.

有大大間M & M 店.

見到呢對鞋, 即刻 WhatsApp 比呀囡問佢有無興趣,
佢話同香港差唔多價錢...咁我就唔搬囉.

無意中又去埋 Covent Garden

不知什麼表演, 到達時見佢用鎖鏈去鎖一個人,

行完行嘞, 仍然都係鎖緊嗰個人.

街頭表演.

擔心塞車, 同埋唔知機場shuttle bus路線怎樣,
所以訂shuttle bus 預早一個小時到機場,
怎知來了一部私家車, 二十多分鐘就去到機場,
原先shuttle bus車費係19鎊一個人,
兩個人都係38鎊, 比搭的士平好多,
記得由機場搭的士去倫敦市中心要85鎊,
好開心呢.

在機埸食埋個快餐先上機.

返到香港就麻麻喇,
等左個幾鐘先等到行李,
未試過等咁耐.
回到家真好,
去旅行可以回到家是幸福呀!