2016倫敦 ~ 溫布頓排隊日

這天跟 husband 和好友夫婦去溫布頓睇網球比賽,

最主要是想看到費達拿的一場,

因為未可預知費達拿會在那一天有比賽,

所以沒有預早買定票, 直接到場購票,

點知就係咁, 一排就排左4個半鐘...

幸好天氣唔差, 天公造美.

場外有咖啡, 雪糕和熱狗等小吃,
咖啡有溫布頓的圖案.

買入埸票應該好快,
但係有個安檢, 所以等得耐囉.

好在有個大草地可以坐下,
齋企我一定暈低.

人人都好有耐心等.

我等下又四圍八下.

終於到我地一行喇.

唔知點解近入口處有好多帳篷,

唔通係球迷宿營等入場.

比排隊中的小朋友打網球.

 

一開始排隊會比一張排隊紙你,

要憑張排隊紙先可以購票,

可惜只能買到side court 的票,

center court 票已經售罄了, 

即係無緣睇費達拿比賽, 好友好失望呀.

終於入到場,
第一時間係去醫肚, 食物飲品都幾貴,
一杯雜飲要拾多鎊, 最弊係無得坐,
埸內座位太少喇, 我地要立食, 一係坐樓梯食.

呢個表我就沒心機睇喇,
只係想感受一下溫布頓大賽的氣氛.

side court 好細, 座位又少,
想睇都要等有人走, 有空位先入得場,
難得等到個位, 幾曬都要坐多陣, 因為實在太攰.

今次睇溫布頓都幾失望,

以為溫布頓賽梗係好有規模, 

通道窄, side court只可以容納好少人,

連買嘢食都要排好耐, 又無座位.

球員出入的入口, 好多球迷在這裡等.
  
買唔到大場票的, 可以睇大電視.

就在這裡坐了一個下午,

買左個炸雞薯條嘆番下.

以為在大電視睇到費達拿都好吖,

點知全程無播, 真係失望而回呀.

我就攰到不得了, 因為又曬又熱.

溫布頓球場外都無大賽氣氛.

無乜留意一間黑蚊蚊建築物,
原來係著名的Harrods.

今晚食朋友推介的龍蝦和漢堡專門店.

好放縱地一個人食左一隻龍蝦.

最後話要試多一個漢堡,
又幾juicy嘅.

以往去日本都會買支"響"返香港,
後來愈賣愈貴, 近幾次都絛再買,
呢支85鎊, 價錢和香港差不多.