2016 倫敦 ~Camden Market, 大英博物館.

今日午餐食麥當當,
都乜留意有無櫃位售賣處, 只見近門口有部售賣機,
用信用咭跟住按左一大輪, 終於買到4個餐.
呢日去,左Camden Market同大英博物館.

如果呀女喺度, 一定坐低同佢影相.

在Camden Market的店鋪外牆設計好新潮別緻,

印象中有些店鋪執左,

售賣的物品不大吸引, 只買了一個碎子銀包,

依家個碎子包都唔知去左邊添.

可能係世界上最細的運河, 我睇左成個過程,
見個女職員走來走去, 開閘關閘,
睇見佢就辛苦, 呢日重鬼咁熱.

伯伯好nice, 雖然唔知佢做咩, 佢會逗小朋友開心.

呀女問我做乜唔買比佢,
點著呢, 好易扒街架喎.

行完Camden Market, 搭巴士去大英博物館.

入博物館當然要經保安檢查,
不過查得唔多公正囉, 華人不論大袋細袋, 一定要查,
外籍人士就大個手袋都可以直行,
華人應該都唔會有危險威脅嘅, 最多咪放低幾兩.
早幾日睇新聞話有個強國媽媽比佢個囝囝喺沙皇皇宮地上小便,
真係無話可說.

都幾肉酸.

來自日本.

大英博物館都幾多嘢睇, 地方又大, 行到一半要坐低食嘢再繼續.

唔知點解咁多第二個國家嘅物品會留落異鄉,

我都無咁仔細去睇各樣物品嘅述說,

有些展品都好恐怖, 例如有人頭骨, 一些祭祀用品, 偶像等等,

要快快行過.

 

買比囡囡的手信, 佢勁鍾意愛麗絲.

一間好好服務的餐廳, 所以幫襯左兩次.

套餐的凍湯好新鮮蔬菜味, 味道調教得好吸引,
飲完個湯已經好飽, 邊有餐湯咁大碗架.

今個旅程食薯條食左我成年限額.

餘下來4日, 住左呢間酒店.

房間好大, 重多張床仔.

廁所好乾淨光猛.

印象中係140多鎊一晚連早餐.