年頭被廸士尼抽中免費住宿廸士尼國賓套房, 終於book左上個週末入住喇, 歎左一日, 一日真係好快過, 住多三幾日就好嘞.
check in counter 係7樓.
房門咭, 搭升降機時要插卡先上到7樓嘅房間, 又多兩張廸士尼紀念品.
成層都係非吸煙樓層, 抵讚 ~
間房好大呀, 不過都唔見 disney 嘅卡通人物擺設或者裝飾嘅!
廁所都有電視, 係廁所歎咩呢?
原來個浴缸係按摩池.
d 雜誌全部都係關於廸士尼嘅歷史.
有好多同廸士尼無關嘅擺設, 連雨傘都無酒店logo, 可能有嘅話就多多都無啦.
好靚嘅人做草地網球場, 可以免費供應球拍同網球.
我husband即刻想call friend入嚟打, 仲話要返屋企換鞋.
呢個國賓廳由朝早7點半至晚十點都有食物供應, 唔同時段嘅食物會唔同, 全部都係免費放題, 我入去歎左4次呢.
最右下角果個 chocolate & nuts brownies 好好味, 我食左好多件呀.
早餐時段, buffet 枱上嘅食物如果唔啱你口味, 可以叫佢特別煮比你食....
我想食磨菇芝士 omelette....
一早起身望出窗, 見到d紅磚頂, 心諗喺歐洲就好嘞.
食完早餐 check out 去樂園玩lu.
F
回覆刪除