日本沖繩 ~ 發瘟自由行

haha! 發瘟係講我自己呀.....

第4日行程係成個旅程最豐富嘅一日 : 海底玻璃生態觀光船 ~ 守禮門 ~ 世界遺產『首里城』~ 玉泉鐘乳石洞~琉球王國村 ~ 熱帶果樹園 ~ 玻璃陶器工房 ~ 元氣大鼓表演 ~ 國際通商店街.

可惜我又要離團, 改左自由行, 因為成晚無瞓過兼個心好似打亂鐘咁跳, 已經食左2粒安眠藥都瞓唔到, 係酒店休息到下午2點, 然後搭車出市中心食野, 諗住行到7點半再 join 番團友, 行行吓都係唔舒服, 唉! 覺得都頂唔到咁夜, 又搭番車返酒店休息, 黃昏再搭車出市中心會合團友食晚飯.....

唔知幾時先擺脫到出門發瘟呢個症!!!



搭的士出市中心.

呆坐star buck 望街 ~

出到去2點幾喇, 叫左份三文治做午餐, 好鬼肚餓, 不過都係食到 1/4 份, 無氣力食. 杯朱古力都係香港好飲d, 佢 'pet' cream 好重椰奶味, 好 'so'.

喺三越掃左一輛貨, 即係精神左一陣間 , 又返酒店 ~

好在呢兩晚唔使轉酒店, 可以留係房休息, 唔使屈係旅遊巴.
坐坐吓, 我問husband: 你做乜搖我張床, 佢話無呀, 咦....佢張床都係搖緊喎, 即時諗唔通地震, 咪走落大堂睇吓囉, 但係又無事發生咁喎.

黃昏再出過市中心行

好似好多野都話係限定

呢架係救護車, 見到有個人瞓低係一間舖頭入面.

佢地d巴士好cute..

佢唔知係咪食得苦瓜多......

kakaka!!巴斯光年流落異鄉, 同鐵人28做左鄰居??

                                 

join番d團友喇, 又係食放題

呢個係自己另外加, 承惠7000yen

跟飯特別正呀 ~

呢朝精神好好多, 一早起身喺酒店四圍逛, 要迎接沖繩最後嘅一日行程呀.....

酒店內的蝴蝶園, d蝴蝶多到數唔到, 仲擺埋post比你影, 可惜只得一種.

酒店對出..

大郵船用嘅防撞嘅車呔, 成架貨車咁大個