世界遊團友聚會

相約好旅行的團友相聚, 預算計劃一吓5月的行程, 話去日本睇櫻花喎, 可惜策劃人抱恙沒有出席, 不過她心目中已有初步嘅行程計劃, 一定如期出發呢, 諗起都開心

除左呢兩支, 仲飲左一支紅酒, 其中一位團友帶嚟嘅奧地利冰酒未開....要等埋行程策劃人先開哦..

husband一個人開左3打生蠔, 開到熟晒手.

d蠔好新鮮爽脆, 不過我唔可以食咁多, 都係一隻起兩隻止.

呢個法式沙律近排出左好多次場喇, 冬天最鍾意整因為健康又飽肚.

焗紐西蘭羊架.....另一件蘇格蘭法式羊架更鬆嫩呢.
以我個焗爐計150度30分鐘再110度30分鐘, 剛剛係pink嘅效果, 好在大家同我一樣唔食太生的.

 

 

 

 

紅酒燴羊.....整左幾次羊肉鍋開始覺得'溜'喇

焗意式海鮮飯, 原本走芝士的, 因策劃人唔食芝士, 見佢無嚟, 一致通過灑番d芝士落去...

餐後甜品....柚子蛋糕.

雖然唔係乜嘢美酒佳餚, 希望您地食得出我嘅誠意....心意....