西葡十一天遊~ 華倫西亞(Valenuca), 巴塞隆那(Barcelona)

旅程接近尾聲了, 早上吃過早餐, 乘車往科學館外拍照留念; 然後到葡萄園試酒和吃午餐, 再往巴塞隆那遊覽市內名勝.

每次下旅遊巴到景點時, 領隊總會提醒團友們小心財物, 多日來都平平安安, 但就在這天早上終於失守. 旅遊巴泊在酒店的側門, 酒店職員和司機把各人的行李放上旅遊巴的行李廂預備出發行程, 而團友們就在路邊等候, 路邊有幾張圓枱, 有外籍人在吃早餐, 有一位團友把背囊放在其中一張枱上, 然後去了廁所, 直至各人都上了車, 團友才發覺失了背囊, 聽說見到有人取了背囊然後跳上一部私家車好快開走了, 團友沒有報警, 可能沒有貴重財物罷.

 

科學館旁有一列很別緻的卡車. 

 

 

科學館外貌, 呢個景點很悶, 影幾張相走得.

 

途經一間€10蚊menu餐廳, 原來西班牙都有10蚊店.我地就借用廁所.

 

載著我們四處遊的戰車和司機chok王, chok到你C下C下, 駕駛技術真差勁..

坐了大約5小時車程, 終於到達試酒的酒莊餐廳.

試葡萄酒的酒莊, 這裡有很多蒼蠅呀, 預早放在枱上的麵包我唔敢食呢.

午餐有炒幼麵, 幼麵好似廣東的米粉, 雖然買相麻麻, 好似大鑊飯, 但係味道唔錯.

和陌生人同枱用餐我比較喜歡一人一份.

半煎炸薯仔.

又有燒雞食.

很有心的咖啡或茶, 咖啡是用capsule即沖的, 茶也有多種味道即沖茶包選擇, 我揀了金菊茶包.

食完午餐到釀酒的地方參觀. 

輸送紅酒的膠喉管.
參觀完畢, 買完紅白酒, 向巴塞隆那進發.

巴塞隆那市內著名的[面譜屋]. 屋底下太多人, 好難影到一張全貌.

整條大街擠滿遊人, 好似旺角咁旺. 在這裡有個半小時自由時間, 各團友作最後衝刺, 有人趕著買火腿, 有人趕著買皮鞋皮褸.

賣火腿的市集.

好精彩的藝術泡泡, 一定支持.

Ma Cafe有macaroons賣, €0.75一個, 唔知好唔食呢~

 

一致認為最差的一餐中餐, 唔想食, 連相都唔想影. 一枱8人有六餸一湯, 份量少, 無味道,

中餐廳近海邊.

最後一晚的(Hesperia Tower Hotel)酒店房間好大呀, 去廁所好似入左玻璃屋咁, 一個唔留神會撞到呢.