西葡十一天遊 ~ 太陽海岸 ; 米哈斯白色山城; 格拉那達: 阿爾布拉宮, 避暑山莊.

離開太陽海岸(Costa del Sol),
前往西班牙南部的哈米斯(Mijas)白色山城,
再往格拉那達(Garanda)參觀阿爾布拉宮(Alhambra Palace)和避暑山莊(Generalife)

呢日九點先出發, 早餐後, 時間尚早, 可以行出海邊吹吹海風.
太陽剛剛升起, 陽光的光線反射在水平線上, 驟眼以為是日出, 其實太陽躲在雲的背後呢.

  

米哈斯的建築物依山而建, 房屋都以白色為主,一種簡潔清雅的感覺.

有興趣的可以租一輪騾子車坐坐, 漫遊山城.

可惜沒有時間坐低享受那寧靜優雅的氣息.

回到市區吃午餐.

步行往中餐廳途中, 因為餐廳附近沒有旅遊車車位, 要行得幾遠下. 沿路建築物殘舊, 馬路殘破, 沒有美化的社區.

全程有3個中餐, 呢餐味道最好的.
未知係團餐原故, 還是當地人食得清淡, 每碟餸菜都是清炒或是清蒸,唔似得香港有好多配搭材料.

清炆豬腩肉, 看似肥肥的, 食落完全唔覺油膩, 味道好正.

中餐都有的煎蛋餅, 熱辣辣香噴噴煎蛋的味道.

飯店有雪糕售買, 只覺得好得意, 唔好食咁囉.

 

 

阿爾罕布拉宮位於格拉那達城的山崗上, 進入大門便是一個圓形廣場~查理五世宮殿.
領隊講解說~在廣場中央用腳踏地下的磚塊, 或者說話都會有好大的回音.....
突然一位男團友好大聲咁講.....
.....老婆.......我好愛你呀.
真係好勇呀~

 地上用石仔砌成的石榴花, 是有意思的, 不過真係唔記得:p

 

凹陷磨損的地磚為歷史的見證.

香桃木院（Patio de los Arrayanes）

獅子庭院（Patio de los Leones).
12隻石獅子背上一個水池, 池水沿4條小渠流向四方, 就是古代避暑方法之一嗎~

庭院的樹長滿大大個的橙.



 



從避暑山莊可俯瞰格拉那達整個城市風貌.

這晚又是在酒店吃自助餐,
聽見就怕怕, 又是早餐的東西再加三兩個粉飯之類.

西班牙飯, 見到唔想食.


(今日寫blog終於開竅喇, 以往都是由電腦直接load相落blog, 每次只可以load一張, 原來可以先把相片load落Picasa相簿, 咁就可以一次過load晒我想要的相, 仲可以執好晒次序, 再把相搬落blog, 快好多呢!不過要去相簿都唔易呀, 先要去gmail頁面, 再按9格的[格仔圖案], 再按[更多]見到相片的字, 又再按入去, 煩C)