西葡十一天遊~ 塞維爾:西班牙廣場; 直布羅陀:聖米高鐘乳洞; 太陽海岸.



早上前往西班牙廣場(Spanish Square),
之後前往直布羅陀參觀聖米高鐘乳洞(St. Michael's Cave),
再往度假勝地太陽海岸(Costa del Sol)



西班牙廣場

 

 

整個建築物精雕細琢, 曾在1992年舉辦過世界博覽會, 相信當時很繁榮.

El Cortie Ingles百貨公司在好多地方都可以見到.

往直布羅陀途中, 一望無際再加上紅瓦頂小屋, 我最喜歡呢.

直布羅陀是英屬地區, 我們要下車過關, 只不過係比個護照佢望下.

過關後再乘另一部小旅遊巴往目的地, 進入直布羅陀境內, 唯一道路須通過機場跑道路面, 這處是機場跑道, 可以見到行人漫步.有航班升降時便會封閉禁止車輛行人使用.

呀! 好有親切感.

午餐餐廳, 煮得好有心呀.

午餐有沙律, 西班牙飯, 和紅酒.

還有煎魚, 配的蕃茄汁好美味, 清晒碟.

最後有蛋糕甜品, 不過質地實"得得", 唔識欣賞.

直布羅陀海岸.

聖米高鐘乳洞

 

 

 

鐘乳洞山區有好多馬騮, 有個當地司機好衰呀, 示意一隻馬騮跳在一個女團友身上, 嚇得個女團友哇哇大叫, 最慘係隻馬騮爬在女團友的頭上抓住d頭髮, 我都唔知隻馬騮幾時先走開, 我都唔敢行近, 比著係我一定發癲. 



離遠zoom埋去影就可以.

驚嚇完去到酒店囉, 時間尚早, 還有兩小時先食晚飯, 放低行李急急腳到海邊逛逛.

 

 

感受著一個懶洋洋的黃昏.

開始入夜, 景色又另一個美態, 舒適...寧靜.

這晚入住Vincci Malage Hotel, 房間窗外風景.

這晚在酒店食自助餐晚餐, 食物麻麻和早餐無分別, 又係火腿片, 粟米蔬菜等沙律, 所以只係吃了這一碟.
入餐廳時有一段小插曲, 我們搵了張枱, 正想坐的時候, 有一個別團的領隊唔比我地坐, 話唔可以隨便坐喎,好不友善問我地領隊去咗邊, 但係我地領隊一早講過無編排座位, 可以隨便坐架喎.
以為同行如敵國, 望一望 ~ 噢!原來係同一間旅行社的.
(整呢頁blog真係花時間同嘔血咁滯呀, 更改size的藍色bar只會在第一張相出現,變了要把相放在第一張位置, 改好後就搬返落去,  字和相排了在左邊對齊又成日走咗去中間, 有幾張相下面打字又打唔到, 仲有鬼C咁多空行, 想減少空行按backspace又走咗出去, 真係暈得一陣陣.)