西葡11天遊 ~ 回來了

西葡11天遊完結了, 印象係好似沒去過咁囉,

出門發瘟症揮之不去, 幾乎跟我遊足11天,

藥力加意志力, 可以有三四日精精神神.

出門病起上嚟真係令人發慌, 必理痛特強傷風感冒, 特效止痛,  

幸福傷風素, 喇叭牌, 三冬茶, 瞓覺藥都食齊.

雖然損失咗一日行程, 慶幸可以和husband靜靜地吃了兩餐美味午晚餐.

算是整個旅程最懷念的時刻.

 

病了連購物氣力都沒有, 手信全都係清一色西班牙黑毛豬火腿,

分別有3J和5J, 說是吃橡果的伊比利亞豬種（Jamón ibérico de bellota), 唔用太多精神去理解幾J 同幾J係咩, 總之係好喇.

 

 

 

這塊磁磚隔熱墊是好團友買給我的, 雞會帶來好運呀, 所以她買了雞的圖案.

 

行程第一天會去里斯本大石角, 奧比多斯古城, 花地瑪,

連第二天會去的航海紀念碑, 巴林塔, 謝郎里蒙斯修道院都預早一日去埋, 即係我無得去囉. 

好彩頭兩晚住同一間酒店, 我可以留在酒店休息, 唔係嘅話要跟車出去就更加辛苦. Husband都留在酒店陪我呢.

 

 

 

今個旅程無買咩靚衫靚手袋, 又無買西班牙皮鞋皮褸,

只買了幾塊屬於自己的磁磚隔熱墊, 已經夠開心喇, 真係好鬼C靚呀!

眼見團友都買了心頭好, 好羨慕呢,
可惜自己唔精神, 無心情購物,
其實我都試過盡力去搵衫搵鞋買架, 但係人唔精神著咩上身都唔順眼,
原來夾硬搵野買都幾辛苦.

 

 

回程時在巴黎機場等機期間買得最多嘢囉,
相片左上角藍色盒的朱古力好好食, 餡料係車厘酒芯和車厘子,
朱古力之中我最鍾意食呢隻, 香港賣好貴,
依家一盒9粒唔使€10.




又買了幾樽醬, 可以煮下意粉.

  

 

在歐洲街頭好多時會見到有些玩音樂的人除了表演之外,



也會賣些CD, 啱聽的都會支持一下呢.

 

 







在法國機場買了支玉泉西柚汽水, 好鬼難飲, 好似用硬糖開嘅水,
其實唔係好口喝, 只係想睇下佢點樣跌支汽水出嚟,
下次都係飲可樂穩陣.