澳門之旅 ~ 第二日: 龍華茶樓, 紅街市, 三盞燈, 譚公廟, 聖方濟各聖堂 .

第二日沒有在酒店食吃早餐, 而是去了龍華茶樓飲早茶,

都是第一次到龍華茶樓呀!
茶樓內有很多有歷史價值的擺設, 嘆茶之餘可以慢慢欣賞!





無得畫點心紙, 無得叫落單, 點心車放在一旁, 唔好客氣, 自便囉!

去茶樓飲茶, 我最鍾意做洗杯嗰個...
洗杯嘅水熱得厲害, 盪C我啦...
咁先水滾茶靚吖嘛...

平時飲茶都係普洱香片,
唔知雲南滇紅味道如何嘅呢?

husband飲茶必食的馬拉糕.

未試過飲早茶食白切雞, 大大粒蔥花, 比起平時用開的薑茸又有另一番味道.
我見隔離枱都有食呀!

這裏沒有空調, 只有安在天花頂的大風扇, 不過很開揚!

這八仙圖是茶樓開張時, 由一個越南供應商送的, 老闆好好人送我們一張用這畫造成的紀念咭.

紅街市位於罅些喇提督大馬路和高士德大馬路交界, 這裏有一些具有二十世紀建築特色的樓宇.
紅街市大樓由土生葡萄牙人Julio Alberto Basto 建於1936年, 建築屬裝飾藝術風格, 已被列為澳門建築遺產.

紅街市仍然運作架.

在紅街市大樓對面的晶記餅家,
雖然是不起眼的小檔, 但零食餅類的味道不遜色於大街的店舖,
有粒粒杏仁的杏仁餅, 啖啖都是杏仁的香味,
黑糖光酥餅不太甜而且口感鬆化, 好味呀.

我都想試吓整~~~

想信呢個磅的功勞也不少呀!

在紅街市周圍的橫街窄巷有很多商舖和小販攤位.

在這裏可以買到廉價的物品.

好懷舊風味嘅大排檔, 不知坐在這裏食碗粉麵, 飲杯奶茶的滋味是怎麼樣呢?

這圓形廣場中央有一支燈柱, 燈柱安裝了三盞小燈, 所以人們都叫這地為三盞燈, 其實呢個小廣場名叫嘉露米耶圓形地, 是位於聖安多尼堂區.
區內有很多小店舖和小攤位..

圍著廣場的樓宇建築很特別, 都是向內彎.

跟著就到路環市區遊覽..

對面岸便是祖國啦!




沿著十月初五馬路海旁行至盡頭便是譚公廟.

我對東方宗教不認識, husband說這座譚公廟是地方人民供奉的廟宇, 就好像沙田的車公廟, 大都是祈求國泰民安, 風調雨順.

在路環市區的聖方濟各聖堂前地兩旁, 有很多中式及葡式食店, 心想都是地道美食呢!

踏進平實的小聖堂已令我滿心喜悅.