天寒地凍首爾行(下)

15年1月2日~4日
首爾行第三日, 隊長話呢日10點出發, 天寒地凍可以瞓晏d真幸福喇, 其實係因為要去一間叫[土俗村]食人蔘雞鍋, 人氣店嚟喎, 遲咗就要排隊, 所以要brunch時間去.
第一次食人蔘雞鍋，好好味呀，諗住回港自己整，但返到香港已經沒有活雞買。冰鮮雞都要１３０蚊一隻，好貴！
氣溫仍然在零度以下，我支唧唧裝潤唇膏凝固得唧極唔出。原本計劃會參觀皇宮，但係去到皇宮門口，見到一大個廣場，大風又凍，你問我，我問你，要決定是否入去參觀，大家都沒反應，最後只在門前影張到此一遊相片來完成任務。

點了一鍋烏雞人蔘湯，要補身嘛。

熱辣辣又真係幾好味。

這隻燒雞雖然皮薄，但肉很'鞋'而且散, 唔好食.

燒餅和之前吃過的比較也令人失望.

食暖咗身就要行下景點, 之不過見到咁..咁..咁..都係走人.

相都影得好求其.

見到咖啡店都唔使問, 又搵位坐.

這杯紅棗茶好濃呀, 韓國的紅棗都唔錯, 我都有在市場買了一大包, 回家煲紅棗水好有紅棗鮮味.

晚上到五花腩專門店, 分別九種味道醃成的五花腩, 咁肥..肉當然滑喇. 在韓國吃烤肉係店員幫你烤的, 佢地鬼咁快放晒D肉落去, 食唔切囉, 我地成日想自己嚟.

一邊烤肉, 一邊烚烚下.

鐵板是鈄的, 油份自動溜走, 好設計.

雖然話有九種味道, 但係味道唔係太突出.

第四日早餐食咗碗人蔘雞粥, 唔記得店名, 男士可以免費加粥底, 女仔就沒有呢個優惠.

首爾都有密密送.

行[望遠市場]~

3個人買咗5kg.

我諗唔會好食, 好油淋淋.

轉個眼, 團友已經買咗一隻即食.

見到咖啡多士專門店又食, 雖然店子細子, 咖啡和多士都唔錯.

餃子可以不用放在冰柜賣的.

第四晚吃網上熱傳的九層海鮮塔. 好客滿, 起碼要等一小時, 幸好酒店幫我地致電查詢過, 去到即時有位.

地方好簡陋.

九層太高太危險, 要分兩次上枱, 先吃4層, 再上5層.

第一層有竹筒糯米, 魷魚, 蛋等.

第二層, 其中有一隻蟹唔新鮮嘥咗.

第三層得3隻帶子.

第4層一大碟蜆.

第五層, 蠔肉黏著很多蠔殼, 又不肥美.

第六層芝士扇貝, 味道唔多夾.

第七層, 好似係蛤蜊.

第八層又有雞蛋, 驚唔飽可以食多一隻.

第九層有一個湯鍋, 可以另外加些"辛"字麵.

這個九層海鮮塔要88000won, 值唔值得食各人喜好, 我覺得食氣氛風味多d, 海鮮唔太鮮美, 大排檔風格, 餐牌只有韓文, 沒有圖片介紹, 服務很好.
獨沽一味海鮮塔, 食完很暖身, 但一行出鋪外凍到打冷震.

車仔檔小販.

好快第五日喇, 呢朝自由活動, 團友最後衝刺去shopping, 我和husband在酒店附近麵包店吃早餐.

中午再和團友會合, last一餐食韓燒, 不過很失望又一肚氣, 店員黑面又咀'妙妙". 呢間好似都話係人氣店, 旅遊書有介紹, 食物只是一般般.

警察局門前的大公仔.

上機前最後的韓食, 海鮮豆腐鍋套餐都唔錯呢.
行程完畢, 大概用剩5萬多韓元, 諗住唔會再去, 要喺機場盡量用晒佢, 機埸物品價錢牌全都是美元價好難計, 最後都比我用晒.