天寒地凍首爾行(上)

12月31~ 1月1 日
14年12月31日出發去了首爾5日, 一心諗住去睇雪, 一粒雪也沒有看到, 真係凍得唔抵呀. 其中一日有零下10度, 凍到橫隔模鬼咁痛, 其實我夠暖, 可能未嘗過咁凍天氣, 肌肉太緊張吧! 仲想搵年聖誕去歐洲感受下聖誕氣氛, 睇嚟真係唔好妄想囉.

天氣凍, 好友計劃好的景點都沒有去齊, 幾日都在吃..吃..吃, 行得最多的就是酒店附近明洞幾條街, 所有店鋪都是賣面模化妝品, 我都算叻, 一片面模都沒買.

今次是自由行, 又沒有租車, 每日靠對腳行呀行, 搭了三次的士, 其餘都是搭地鐵, 在首爾搭地鐵真攞命, 幾乎都是上樓梯落樓梯, 很少電動樓梯. 手機的一個apps每日都有個訊息..."恭喜你, 今日已經行了一萬步".

旅行首爾都沒太大言語困難, 因為服務員都會用普通話溝通, 可憐我連煲冬瓜都唔識呢, 團友有時就彈左句日文....大家都O了嘴~

在街上遇見過幾個女仔鼻子貼上好大塊紗布, 八卦地想係咪剛整整個鼻嚟呢!

在去程機上, 笑到流晒眼淚水....,團友著住一對雪鞋好新淨, 但可能很久沒穿, 經不起高空壓力(?), 整對鞋面龜裂了, 好似菠蘿包表皮一樣一塊塊分開晒, 又跌走晒, 一到地第一件事搵鞋買. 聽講如果鞋太耐無著會分解, 唔係散面就甩底. 

今次旅行影得最少相, 在戶外因為天氣凍, 很少拿相機出嚟影, 雖然是傻瓜機也懶得影, 所以全多是食物~食物~食物.  

第一餐當然係食韓燒喇, 比香港味美很多呀, 而且蔬菜可以任加. 唔知係咪香港菜貴, 要多一碟都唔想比.

第一次食到最好味道的海鮮燒餅, 各樣材料份量分配很合適, 外脆內軟.

店子乾淨企理.

服務很好呢, 我們原本在這[王妃家]其中一分店吃的, 因為沒有位, 店子安排車載我們到另一家分店, 食完又安排車載我們回酒店, 都沒有另收費.

平均消費唔使250港元.

明洞街兩旁店舖都係化妝品護膚品店.

街頭好多熟食檔.

呢名符其實蛋糕, 蛋糕裏面有一隻雞蛋, 饑寒交迫時吃一流, 又暖胃又飽肚, 鬆軟的蛋糕加上剛熟的雞蛋好美味, 2000韓元, 大約14港元吧.

新伴侶..特登喺廸廸尼帶佢出嚟威下.

食粥都有一大堆前菜.

第二天早餐食粥, 好唔慣糊仔嘅粥.

唔係好食到有飽魚嘅飽魚粥.

第一個景點行北村, 呢日大概係 -5~-10度, 凍到面赤.

行一陣又食下午茶, 暖笠笠.

跟住去魚市場買海鮮食. 檔檔一樣花多眼亂, 價錢不便宜.

隻隻鑿開個蓋表示很多膏的蟹.

買完海鮮到街市附近的店吃, 烹調費是按海鮮重量計算, 店舖說這隻蟹是2斤半重, 但在街市買時係3斤重, 另一隻也是, 被呃秤lu.

行行下見到格仔餅又食.

晚餐食石窩飯, 熱辣辣暖笠笠.

滾熱辣的人蔘雞窩好正呀, 食完念念不忘, 好想再食.

這店門口不起眼, 要問人才搵到.

經八卦一輪, 是真車來的.

團友提議宵夜食雪糕奶昔.....傻嘅!