今次可以講係專程去天巢法國餐廳食野,
因為好難訂位,
朋友喺9月已經訂好位, 而且要用信用卡落訂,
又係朋友們一手包辦, 訂枱船票攪掂晒,
真幸福
塗麵包的牛油, 有淡牛油和鹹牛油.
南瓜凍湯
鮮蟹肉伴青瓜啫喱, 牛油果及燈籠椒脆撻
橙色的半圓物體係紅甜椒慕絲好清香甜椒味.
法式海鮮湯配帶子丸及脆炸蝦頭.
慢蒸三文魚及苦白菜配清新薑湯,
三文魚唔鯹又滑, 蜆肉睇相都知正~
鵪鶉伴鵝肝配椰菜葉及薯蓉,
鵪鶉腿皮脆肉滑.
我個女話鵪鶉已經細, 仲要得一條腿, 問我夠唔夠飽喎,
仲有兩件鵪鶉胸伴鵝肝嘛,
而且專程去到, 我都要咗個4道菜嘅full course,
另外還有甜品呢~
dessert trolley 可以揀兩款甜品.
我選了朱古力puff,
和紅酒燴柑, 呢個真係好食呀, 好舒服好開心.
可能餐廳職員見我成日望主甜品車,
問我係咪好好食, 話可以再試,
不過實在太飽,
朋友話strawberry mousse tart好食,
餐廳職員就再給朋友一件.
又提議我地試下呢件浸咗rum酒嘅小蛋糕.
餐廳職員好nice, 好樂意回應, 對每一道菜都好熟識.
跟餐飲糖果, 有d好甜呢.
望一望錶, 呢個午餐食咗3個鐘.
呢個就係天巢, 即係新葡京最高處
餐廳門打開時, 我以為係部升降機嚟添..
食完午餐去威尼斯行人下.
威尼斯人落雪呀~
臨走時遇到迷你嘉年華巡遊.
好快又晚餐時間..
又係一早訂位..
好好飲嘅sangria, 飲咗兩杯.
豬耳沙律.
炸馬介休球, 一般般啦.
檸檬炒蜆, d蜆好瘦, 殼多過肉嘅感覺.
點了兩碟炒雜菜, 第二碟鹹咗好多.
葡國雞.
燒海鱸.......
好掛住係義大利5漁村嗰條.
葡式燒豬, 燒豬下層有炒飯, 幸好炒飯都唔係好肥膩.
食完飯剛好晚上8時多, 要搭車去碼頭,
臨走時餐廳嬸嬸知道我地要返香港,
叫我地最好住一晚, 佢話呢晚會好大浪, 還以為她說笑,
後來想起有句說話 "不聽老人言, 吃虧在眼前" 真係好啱架.
落咗船已經聽到宣佈話因為大浪所以唔會提供熱飲,
開咗船約10分鐘已經要死頂, 個胃好似洗衣機咁,
我地坐在船的上層, 不停看見海浪打上玻璃,
一個浪更把枱上的手袋和汽水拋咗落地,
即時諗諗件救生衣放在那裡, 我都係第一次坐船扣安全帶,
最終餐晚飯都係白食,
呢程船真真辛苦過坐一程長途機去歐洲.
好一個.......[2012澳門即日來回米芝蓮美食有驚無險獲利回吐自由行].一個浪更把枱上的手袋和汽水拋咗落地,
即時諗諗件救生衣放在那裡, 我都係第一次坐船扣安全帶,
最終餐晚飯都係白食,
呢程船真真辛苦過坐一程長途機去歐洲.
嘩,好豪呀!
回覆刪除HAPPY NEW YEAR!
[版主回覆01/03/2013 14:40:08]久唔久放肆一下囉..
新年快樂!
好正。
回覆刪除Happy New Year
[版主回覆01/03/2013 14:41:05]食咗3個鐘, 真係慢慢嘆架, 無幾可呀..
新年快樂!
午餐好吸引......
回覆刪除[版主回覆01/03/2013 21:20:33]係呀, 服務又好好呀!
呢間餐廳係邊架,要幾個月前訂嘅?
回覆刪除[版主回覆01/04/2013 16:02:54]呢間餐廳係新葡京天巢法國餐廳Robuchon au Dome, 我諗有好多人慕名去試試3星米芝蓮, 所以要早d訂囉.
澳門,久違了!
回覆刪除[版主回覆01/07/2013 13:54:17]四處都好熱鬧..
大浪得咁緊要!午餐超正!
回覆刪除[版主回覆01/07/2013 13:54:52]係呀, 我都未遇過咁大浪.
嘩!!!!!!!!!!!!! 真幸福~~
回覆刪除[版主回覆01/07/2013 13:55:14]有朋友安排好晒, 好好呀.
美食啊 !
回覆刪除n 年沒有到過澳門了 , 威尼斯人真係好靚 , 好值得參觀
[版主回覆01/14/2013 13:37:22]依家澳門好熱鬧, 酒店好靚.