德國豬手

東歐之旅早在上星期已經完結, 雖然只係5個國家, 總算去過東歐, 平時去旅行都係自悠行, 今次跟團都幾累呀. 最後由慕尼克機場乘機返港, 差不多12小時的機程, 因為打風關係, 飛機到港時要在上空盤旋多35分鐘, 算好啦, 返港時個風剛剛走左......... 返到屋企(梗係又吹東南風啦), 間屋入水呢, 執左一大餐, 加埋d時差關係, 旅程尾段又病了, haha..要休息番成個星期先得囉.

東歐嘅風景真係好靚, 食物都唔錯吖, 我鍾意食西餐嘛, 只係佢地煮得比較濃味有些咸了.

坐旅遊巴真係舒服, 我意思係好好訓, 每次當導遊在旅遊巴上講解下一站的行程或風景人物的歷史時, 佢把聲實在太平穩啦, 我已經盡量好留心去聽, 唔過15分鐘就訓著啦.....所以唔好問我有關歷史的東西.  反而佢收咪, 話比時間我地休息就訓唔到喎, 如果錄左佢把聲留番係屋企訓教聽, haha唔慌訓唔著.....

今次旅程玩得太開心了, 剩係我地九個自已友, 成日呱呱嘈, 大家又對食物又特別欣賞, 我地好夾呀.

咁遲先update 真唔好意思呢, 請你地食住個德國豬手先....

先用白酒煮定個洋蔥蘑菇汁.....

係德國帶番嚟嘅豬手, 本想焗吓佢迫左d油出嚟, 焗左45分鐘, 點知一滴油都唔出......umm 應該煮洋蔥汁時一齊炆吓佢會好d.

係德國食豬手或香腸都會有d酸椰菜伴碟, 我就煮d椰菜加酸青瓜扮住酸椰菜先.