很失望的臘味糯米飯

今日幫襯了太興兩次, 
吃完下午茶, 往廸士尼行了一轉, 
再到太興買個糯米飯, 
咁夜晚嗰餐可以慳番少少工夫.

切開西多士真開心, 因為中間沒有花生醬的.
一嚟唔鍾意食花生醬, 
二嚟西多士已經好罪惡, 
再加埋花生醬真係唔得掂.

油占厚多士, 已經沒有以往茶餐廳油占多的味道.

食完下午茶, 往廸士尼散步,
今日沒有入樂園, 只係由酒店行去廸欣湖,
急步來回都要個半小時, 夠晒運動量.

天生一對, 好靚呀~

估唔到洋紫荊在12月開花.

唔知呢棵咩樹, 好多果實.

至靚的seven.

第一次去廸欣湖公園, 地方好大, 
有人在影婚相, 又有人影畢業相.

太興這個糯米飯真係唔好食, 
沒有糯米飯味, 沒有臘味味, 
好似乾炒牛河味道嘅糯米飯, 
今個冬季第一次食糯米飯就失望添.

自己煮碟臘腸炒芥蘭補番.