還有一個星期就係大年初一啦,
不過好似仲未感覺到新年氣氛,
前日去咗廸廸尼買咗d賀年手信, 間屋多咗少少紅色咁啦.
屋企大掃除....除咗個幾星期, 啱啱今朝搞掂晒囉,
只有廳大玻璃窗未抹,呢d留番比屋主做lu,
今晚貼埋揮春, 安樂晒~
聽日就可以去買材料蒸糕.......
上兩個星期和餅友們一起去學整新年糕點,
有蘿蔔糕, 馬蹄糕, 紅棗糕和年糕,
在堂上試食時, 個個同學都大讚,
上完堂每人都有一個糕點帶回家,
husband都大讚, 質地柔軟, 甜嘅唔太甜, 鹹嘅味道適中.
連呀女平時唔吼我嘅甜品, 都話要食多d馬蹄糕.
不過好似仲未感覺到新年氣氛,
前日去咗廸廸尼買咗d賀年手信, 間屋多咗少少紅色咁啦.
屋企大掃除....除咗個幾星期, 啱啱今朝搞掂晒囉,
只有廳大玻璃窗未抹,呢d留番比屋主做lu,
今晚貼埋揮春, 安樂晒~
聽日就可以去買材料蒸糕.......
上兩個星期和餅友們一起去學整新年糕點,
有蘿蔔糕, 馬蹄糕, 紅棗糕和年糕,
在堂上試食時, 個個同學都大讚,
上完堂每人都有一個糕點帶回家,
husband都大讚, 質地柔軟, 甜嘅唔太甜, 鹹嘅味道適中.
連呀女平時唔吼我嘅甜品, 都話要食多d馬蹄糕.
有五層的紅棗糕, 要好好心機分5層蒸.
我至愛的蘿蔔糕,
家姑每年都會蒸好大盆蘿蔔糕比我地,
可以由初一食到人日, 日日唔使煮飯.
好幼滑的馬蹄糕,
師傅話馬蹄切片得架啦, 不用拍碎, 拍碎會流走馬蹄水份,
已經買咗馬蹄粉, 聽日去街市買馬蹄可以整啦..
睇到好想食呀~
補腎祛濕煀雞~
除咗學整新年糕點, 又去過煤氣公司學養生食療,
呢堂係講關於關節炎,
對手肘痛咗幾個月, 希望睇下有咩食療有幫助...
除咗呢款, 仲有一款湯水, 係驅寒祛瘀止痛雞湯,
見到湯嘅藥材料有一樣係"地龍", 梗係要問問係咩嚟先,
醫師反問我食唔食"和味龍",
我話田雞我都唔食架,
原來"地龍"係蚯蚓,
嚇得我吖, 湯都唔敢飲.....
近幾個月又去咗學書法,
好似自從小學拎個毛筆之外, 都未曾寫個大字,
朋友都驚我三分鐘熱度, 紙筆墨都借比我用,
寫寫下又好似有d興趣,
咁大個人都好少限時限刻去做d咩野,
所以最頭痛就係定時個個星期要交功課,
我寫一篇字要寫成個鐘頭, 真係一筆一筆嘔出嚟,
間唔中寫到一個滿意嘅字都好開心架,
唔覺唔覺又學咗幾個月.
寫寫埋埋都有好多篇字,
不過總係成篇字, 得一個字靚囉,
有時成篇字都唔似樣,
剪晒d滿意嘅, 同個盒裝要佢, 易收藏~
咁和味龍又係乜?
回覆刪除[版主回覆02/07/2013 13:14:41]係呀, 係水曱甴仲會飛架, 細個時見d和味龍小販檔會綁住一隻生嘅和味龍腳, 由佢飛, 要嚟做生招牌, 其餘嘅就卜卜脆咁C晒.
[EE回覆02/04/2013 23:17:43]和味龍係水曱甴,我細個週街有得賣
你好勤力呀
回覆刪除[版主回覆02/07/2013 13:15:28]做返學生
恭賀新禧, 恭喜食髓知味食得是福!
回覆刪除[版主回覆02/07/2013 13:16:13]謝謝! 大家咁話.
一班人齊齊整糕好開心.....
回覆刪除一個人整就唔好玩了
[版主回覆02/07/2013 13:16:40]一個人整好吃力, 要兼顧好多步驟.
妳的書法唔錯呀, 睇落好舒服.
回覆刪除等睇妳的糕糕作品 :)
[版主回覆02/07/2013 13:17:35]謝謝呀! 整咗一次, 不過失敗啦! 要抖夠精神再接再厲.
rity
回覆刪除學好多嘢
真喺好勤力
年糕好味
馬蹄糕至愛
糕點整得好靚
一定好好味
Diy
[版主回覆02/07/2013 13:20:35]那些都是堂上師傅和學員一起做的成品, 希望自己整到啦!
最喜歡都係蘿蔔糕和馬蹄糕.
看完覺得肚餓啊!
回覆刪除好味~
[版主回覆02/10/2013 00:17:08]新年食又有氣氛!
嘩!! 蒸糕 bell ..叻叻
回覆刪除[版主回覆02/26/2013 13:53:44]我都係跟朋友去學下野.
請問你紅棗糕在那兒學呢?我加拿大的姐姐很喜歡吃啊!
回覆刪除[版主回覆08/12/2013 13:28:01]http://www.yctc.org.hk/
我在勞聯學的, 可以到上述網址睇睇.
佢地大概係新春教糕點, 而家近中秋就教整月餅.