焗酥皮羊肉卷

有日睇電視一個烹飪節目,
由有"地獄廚神"之稱的Gordon Ramsay主持,
示範酥皮焗牛柳,
拿拿聲記低材料和做法.....

剩係去買包酥皮就煮得囉,
因為其他材料我都有.....
材料有: 酥皮, 牛柳, 白菌, 栗子, 巴爾瑪火腿.

打開雪櫃冰箱, 見到仲有一包急凍紅莓,
就用紅莓整咗個汁, 微微酸, 配酥皮羊好夾呀, 減少肥膩感覺,
一時又話牛, 一時又話羊,
因為husband唔食牛, 所以將件羊架起肉嚟整囉...

好似做實驗咁, 成功咗就開心啦...




先將一盒白菌切開打碎,
栗子去衣打碎,
拌勻.

在保鮮紙上放上煙肉,
prama ham咁貴, 屋企有煙肉, 費事又買lu....

再放上白菌栗子碎,
灑上黑椒碎. 唔使落鹽啦, 煙肉已經有鹹味.

放上羊肉卷, (羊肉卷預先用保鮮紙卷好, 雪約一小時定型).

卷好又放雪櫃雪約一小時定型..




保鮮紙上放上酥皮搌壓,
再卷上已雪至定型的煙肉羊卷,
又放入雪櫃雪約一小時.

塗上蛋黃槳,
200度焗35分鐘, 閒置10分鐘就食得啦.

整埋松露醬薯仔伴菜,
又真係幾好食喎,
仲有半包酥皮, 搵日又再整過囉...

紅莓汁:
紅莓和蜜糖略煮, 隔去籽, 加少許鹽黑椒碎調味.




再煮個青豆茸忌廉湯又一餐啦.