若干年前的今日, 正在京士柏的陸軍醫院,
我個女出世啦, 有8磅3安士, 犀利呀,
原本每位媽媽都要為自己的新生BB洗白白,
不過我就唔使啦,
因為囡囡夠大隻, 姑娘次次都'的'咗個女去做示範, 教d 媽媽如何去幫自己BB洗白白.
洗得乾乾淨淨返嚟, 我唔使做囉.
生女嗰時好論盡,
要開刀, 又要輸血, 又發燒, 喺深切病房住咗4日,
足足喺醫院住咗15日先出得院,
同女兒講因為生佢輸過血, 叫佢得閒幫我去捐番d血呀,
所以佢讀書時期久唔久都會去捐血呢.
女兒細細個好乖架, 從來無扭計買玩具,
同佢行街, 佢見到鍾意嘅,
只係會拖住我隻手, 企喺個玩具前面,
見我無反應, 只有低下頭跟住我慢慢行,
見佢咁, 有時咪比佢扭隻蛋或者扭張閃咭囉.
.......所以依家買番夠本
唔計BB時代的毛公仔,
我買比佢第一份玩具係大富翁,
蠢咗啦, 玩大富翁要玩好耐架, 又唔可以佢自己一個人玩,
次次同佢就坐喺地玩幾個鐘,
佢鬼咁好心機, 我就悶C咗.
之後就好鍾意買砌圖比佢玩, 可以等佢自己砌吖嘛,
得閒咪幫佢砌幾粒囉,
呀女砌puzzle好叻架, 2-3歲已經可以好快砌晒30塊嘅puzzle.
由幼稚園開始, 每次女兒考完試都會同佢食自助餐或者食迴轉壽司,
佢最開心架, 因為可以有自主權食野,
第一次食自助餐, 第一碟攞返嚟嘅係一大碟炒飯, 好大碟呀~
問佢: 乜你鍾意食炒飯咩?
囡囡答: 呢個最易'畢'呀.
佢呀好鍾意食煲完湯嘅豬肉,
話d肉索咗湯水嘅味, 點豉油食好正喎,
真奇怪
女兒幾歲時候, 有一次搭巴市返屋企,
一上車佢就係咁喊, 喊到返屋企,
問咗好耐先講, 原來佢話喺巴士站見到一個老公公(乞丐),
我地無比錢, 老公公好慘喎.
女兒讀書都ok啦,
雖然第一名無佢份, 不過考試測驗默書從未試過唔合格囉,
到出外留學, 女兒更加唔會比自己唔合格, 佢話任何一科唔合格, 都要留多一個sem, 要用多好多錢咁話喎.
依家女兒都工作咗幾年啦...
即係我地兩個老人家已經甩身咗幾年...
唔講咁多啦, 睇吓我個女d玩具先啦~
我個女出世啦, 有8磅3安士, 犀利呀,
原本每位媽媽都要為自己的新生BB洗白白,
不過我就唔使啦,
因為囡囡夠大隻, 姑娘次次都'的'咗個女去做示範, 教d 媽媽如何去幫自己BB洗白白.
洗得乾乾淨淨返嚟, 我唔使做囉.
生女嗰時好論盡,
要開刀, 又要輸血, 又發燒, 喺深切病房住咗4日,
足足喺醫院住咗15日先出得院,
同女兒講因為生佢輸過血, 叫佢得閒幫我去捐番d血呀,
所以佢讀書時期久唔久都會去捐血呢.
女兒細細個好乖架, 從來無扭計買玩具,
同佢行街, 佢見到鍾意嘅,
只係會拖住我隻手, 企喺個玩具前面,
見我無反應, 只有低下頭跟住我慢慢行,
見佢咁, 有時咪比佢扭隻蛋或者扭張閃咭囉.
.......所以依家買番夠本
唔計BB時代的毛公仔,
我買比佢第一份玩具係大富翁,
蠢咗啦, 玩大富翁要玩好耐架, 又唔可以佢自己一個人玩,
次次同佢就坐喺地玩幾個鐘,
佢鬼咁好心機, 我就悶C咗.
之後就好鍾意買砌圖比佢玩, 可以等佢自己砌吖嘛,
得閒咪幫佢砌幾粒囉,
呀女砌puzzle好叻架, 2-3歲已經可以好快砌晒30塊嘅puzzle.
由幼稚園開始, 每次女兒考完試都會同佢食自助餐或者食迴轉壽司,
佢最開心架, 因為可以有自主權食野,
第一次食自助餐, 第一碟攞返嚟嘅係一大碟炒飯, 好大碟呀~
問佢: 乜你鍾意食炒飯咩?
囡囡答: 呢個最易'畢'呀.
佢呀好鍾意食煲完湯嘅豬肉,
話d肉索咗湯水嘅味, 點豉油食好正喎,
真奇怪
女兒幾歲時候, 有一次搭巴市返屋企,
一上車佢就係咁喊, 喊到返屋企,
問咗好耐先講, 原來佢話喺巴士站見到一個老公公(乞丐),
我地無比錢, 老公公好慘喎.
女兒讀書都ok啦,
雖然第一名無佢份, 不過考試測驗默書從未試過唔合格囉,
到出外留學, 女兒更加唔會比自己唔合格, 佢話任何一科唔合格, 都要留多一個sem, 要用多好多錢咁話喎.
依家女兒都工作咗幾年啦...
即係我地兩個老人家已經甩身咗幾年...
唔講咁多啦, 睇吓我個女d玩具先啦~
呢個黑武士面具係澳洲麥記happy meal嘅跟餐玩具, 好大件呀..
以上唔係全部呀, 仲有好多濕濕碎,
仲有好多年幼時期嘅毛公仔添呀,
每次同佢講唔好留咁多啦,
但係佢記得晒邊個公仔係邊個送嘅,
即係......
即係一個都唔dum得囉.........
惟有留留比佢做嫁妝lu
睇見妳講返阿女d野,樣樣都仍記得清楚,充滿箸感情及難忘回憶。感受到母女的愛,囡囡又確實很乖孝!嗶!玩具種類多元化,我通常都係買毛公仔。
回覆刪除[版主回覆08/31/2012 16:49:25]我個女都有買毛公仔, 試過佔咗佢半張床..
包羅萬有!
回覆刪除見到佢哋個個都咁乾淨就知佢哋好幸福......
令我想起反斗奇兵3....
[版主回覆08/31/2012 16:50:31]好多公仔盒都未掉, 收晒喺床底囉.
24孝媽媽,有女如此,夫復何求?
回覆刪除[版主回覆08/31/2012 16:50:56]有時都好激氣架..
真係唔少,琳瑯滿目。我見到你個嘜頭呀
回覆刪除[版主回覆08/31/2012 16:51:31]哈哈~ 好好眼..
嘩好多玩具啊 ! 每件都咁新淨 , 妳女兒除了心地好之外 , 而且是一個很珍惜擁有0既人 , 真難得哩 !
回覆刪除[版主回覆08/31/2012 16:52:48]鍾意咪當寶囉...
你有個囡囡咁叻叻又心地好..替你高興..
回覆刪除話時話你個女 d 嫁妝真係唔少喎
[版主回覆08/31/2012 16:53:23]接收嗰果就慘囉..
waaaaaaa,, 好多好多公仔
回覆刪除[版主回覆08/31/2012 16:56:09]佢係一個儲物狂.
點解無我鍾意嘅"胡狄"嘅
回覆刪除[版主回覆08/31/2012 16:58:15]係喎, 胡狄唔係佢fans...
聽你講你女女長大趣事,都感覺到你好回味
回覆刪除[版主回覆09/01/2012 16:24:02]係呀, 有好多碎事都記得呢.
嘩!你囡囡好濫呀.
回覆刪除[版主回覆09/01/2012 16:25:56]愈出愈多公仔嘛..
點解冇史迪仔
回覆刪除我好少其他公仔,,, 多數係史迪仔~~~
BTW 豬肉點豉油食真係好正
[版主回覆09/01/2012 16:28:57]其實廸士尼咁多卡通人物, 佢最鍾意tinker bell.
原來你都鍾意食煲湯豬肉.
保存得好好^^
回覆刪除[版主回覆09/02/2012 23:30:21]佢唔捨得掉d盒架.
呵呵呵...以為去了玩具店哪~
回覆刪除[版主回覆09/06/2012 19:26:56]真係續件睇都有排睇..
好得意! 好可愛! 好型仔! 好壯觀! they have very cute, greatly smart, handsome guy, pretty girls, funny looks, beautiful dolls....這篇章主題, 應該叫做公仔嘉年會!!!! 好有趣味呢!
回覆刪除[版主回覆09/06/2012 19:27:28]哈哈!公仔嘉年會~ 公仔也開party.
佢真係好多公仔~可以留咁耐都咁新淨真係叻!!小朋友眨下眼就咁大個呢~
回覆刪除[版主回覆09/06/2012 19:30:09]依家希望佢快d嫁啦.. kekeke
睇咁多綱誌之中, 講真的確是最開心又可愛又驚又喜是你的這一篇...
回覆刪除希望yahoo放在頭位人氣精選...好吸引人!
[版主回覆09/06/2012 21:56:58]謝謝你支持呀! 過獎啦~
初初寫blog係想和餅友們交流一吓, 漸漸希望留番個自己回憶, 第日唔記得都可以睇番.
好喜歡這篇 blog, 好 warm, 仲甜過D cake ar
回覆刪除每個玩具都好新,一定係好珍惜的,仲記得邊個送,好念舊唔忘本,真係教導有方,叻叻啊。
[森里回覆09/13/2012 21:12:27]hehe , 但又好多時因個女而開心到飛起呢
[版主回覆09/13/2012 17:19:20]謝謝你支持呀.
唉!有時都比個女激到CC吓架.