台中自駕遊 第二日 ~ 經橫貫公路去花蓮太魯閣.

由台中去花蓮太魯閣要差唔多5個幾鐘車程, 所以第二日要好早起身,
食完早餐, 辦好check out手續, 寄存好大件行李,
早上7點45分出發啦.

好早嘅早餐.




我地由台中經南投縣清境去花蓮縣.
真係唔坐過唔知, 呢段路彎多路窄, 而且係單線雙程行車,
仲要落大雨,  連我地兩位資深長途車車手都話難行.
坐嘅, 掟彎掟到暈; 揸車嘅, 掟彎掟到手軟.
髮夾彎, 手臂彎, 90度彎, 70度彎, 蛇仔彎數之不盡.
去到清境雨勢愈落愈大, 有時大雨到能見度只有兩三個車位,
如果繼續咁落雨行車, 我地都危險囉,
我地都有考慮過放棄太魯閣的酒店住宿, 改在清境住一晚.
安全第一吖嘛.




第一日鬼C咁好天,
估佢唔到第二日落足成日雨, 仲要落到咁大.

如果唔落雨, 風景很美, 又唔會揸車得咁吃力.

最高呢度啦~




連我包飛機曲奇都變得漲卜卜呀.

 

會經過好多山洞.




本來預算去花蓮食午飯, 不過天氣太差,
都係到咗酒店再算, 繼續去太魯閣.




終於到咗酒店, 大家可以抖抖.
真替兩位車手鬆一口氣啦.




酒店大堂黑蚊蚊...




我都係鍾意光光猛猛, 個人都醒神d.




好大的渡假酒店.




房間都好大呀~




落雨天, 唔想出去搵食, 午餐喺酒店中菜廳攪掂.
 

楊州粉飯




椒鹽軟殼蟹

炒潺菜...真係好滑潺潺.




醬爆五花腩...有d似回鍋肉,
幾好味, 不過d肥豬肉嚇C你.




最好味的三杯雞.

原味泉水鵝.....'un' 到不得了.




好得閒的牙簽.....
支支牙簽都黏粒貝殼, 真係好得閒.

 

食完午飯再揸車出去兜個圈.




 

山上流落嚟嘅唔係黃泥水, 係灰泥水, 幾驚嚇吓.

 

 

呢度橋限載八個人, 不過有d人無留意, 行晒出去影相.
我行過都幾搖吓, 行到一半急急腳返轉頭.

我地部戰車, 抵讚..
講起呢部車有件趣事, 當日我地喺市區行街時, 見到有人揸住呢部車,
團友話, 咦!會唔會係我地租嗰部呢!? 估咗一大輪,
點知夜晚去到攞車真係佢, 因為佢個車牌好好記, 所以記得. 真係有緣..

 

酒店對出空地, 風景好靚.

平時住酒店好少四圍八, 落雨唔想出去.....

 

夜晚又喺酒店食.




金黃蜆鹽仔....都唔知佢係生定熟嘅,
問侍應都唔知, 要問廚房師傅, 話係熟架喎,
我就覺得唔生唔熟囉.

滑蛋炒牛肉......

南瓜海鮮羹......好糊呀, 唔好食.

 

在房間露台的景.


第二日落足成日雨,
都未試過出外旅行逗留喺酒店咁長時間,
呢日住得最抵啦. 仲係酒店食咗3餐,
不過真係浪費咗車手們嘅心機同精神, 欣賞唔到花蓮風景.