2016冰島地理探索生態暨體能訓練自駕遊(二)

到步第二日要做的~

等待車行接載我們去取車,

去銀行兌換少許冰島幣, 不用換太多, 這裡用咭很方便,

參加一個本地團, 參觀地下岩洞.

這裡是市中心, 靜靜的, 行街好舒服.

寄信比聖誕老人專用郵筒.

冰島各樣消費什麼都貴, 細細盒生果要659ISK, 大約43港元.

冰島行銀好似會所休閒室, 有自動咖啡茶朱古力,
有兒童玩耍角落, 有電腦上網.
講起上網, 在機場買了張SIM 咭安入電話,
有網絡但上唔到網, 激死,
浪費金錢唔緊要, 最緊要係無得上網嘛,
幸好在冰島好多地方都有wifi.

今個旅程智能四驅戰車,
超速會"叮"你, 車未停定而除安全帶又會"叮"你.

一份4件炸雞跟一碟薯條要$227港元,
一個有薯條的漢堡包要$113港元,
真係好貴呀.

在冰島可以見到好多馬, 自由自在地在草地跑,
諗地跑馬地的 ~~慘慘..

每日到的景點唔算太多, 但要記都唔易,
只係覺冰島地方名有好多 k 字呀 j 字呀 u 字又多兩點,
算吧啦, 唔去記喇.

跟團參觀地下岩洞, 當地導遊講解生鬼風趣, 令人人專心聽解.

在冰島住的酒店都很偏僻, 所以晚餐都會幫襯入住的酒店,
午餐就會在途中休息站解決.

第二晚住的是牧場酒店, 可以近距離接觸牛羊馬.