九州八日自駕遊第一日 ~ 福岡

9月27日
早上乘坐11:25港龍直航前往福岡
到酒店check in 放好行李
食晚飯再食拉麵宵夜

由機場去酒店很近, 
我們一行8人, 分乘3部的士, 
每部大概$1700日元, 不用行李費, 
計起都很化算, 又方便, 起碼不用拖著喼在地下街上上落落.

酒店也很近福岡駅.

因為晚飯餐廳要9點才有位, 終是食左拉麵先.
可惜湯唔夠熱騰騰.

面膜好cute, 即刻影低send比囡囡問佢要唔要, 
佢話咁得意要買pack試下, 不過行過咗無咗件事,
返到香港追我攞面膜...
下次喇....

華味鳥

雞刺身唔敢食, 煮熟先食.

用雞煮的火煱湯底好清甜, 有雞味, 
每人先飲一杯湯, 之後吃火煱其他材料.
原本有少少唔舒服, 飲咗碗雞湯, 瞓咗一覺, 第二朝精神晒.
得閒煲多d飲先..

大家都係食咗呢個set, 飽到最後碗白飯食唔到, 
叫餐廳不用上白飯.

餐廳20周年有抽獎, 打開插在布丁上的紙條便知中獎沒有, 
我們8人只有2人中獎,剛好係兩pair人.  
獎品係餐廳自家品牌豉油,
沒中獎的當然不罷休, 最後四pair人都有獎品, 皆大歡喜. 

沒有要白飯, 餐廳主動送我們燉蛋.

抹茶雪糕好香滑.

每日只有一班航班往來香港福岡,
去程上午11:25分, 回程下午16:35分, 時間都好好用.
第一次到九州但不太陌生感覺, 
因為好多商店都係一模樣, 
酒店房間比東京大阪的較為大少少.

華味鳥

http://www.hanamidori.net/menu/