北海道札幌五日遊 ~ 第三日

行程第三日原本計劃到小樽遊覽一整日,

上天狗山睇夜景, 食埋晚飯才回札幌,
但天公不造美, 整日下雨,
雖然雨勢不大, 但在街道上往來開遮收遮已覺煩了,
連傻瓜相機也不願拿出來呢, 有時用手機拍照算了.

好喜歡吃日式蒸蛋,
滑嘟嘟好香蛋味.




今次是第二次到[政壽司],
比起上次跌watt了.




肉質較廋沒有光澤.




之前去過, 覺得品質各樣都好,
今次不至於失望, 食物只是一般般,
午市時間要等一個鐘才有位,
下次可以嘗試其他店舖.



開心時刻又到, 就是逛市場了,
小樽的[三角市場]唔大, 種類都算多囉..
其實來來去去都係嗰d...












梅子蒸排骨好味呀...
還買了元貝, 紅豆, 黑豆, 白豆;
白豆打算用嚟發大豆芽菜, 不知味道如何呢,
呀女已經幫我掏了一部發芽菜機, 好期待呢!
















以前都和他們影過相, 再遇有d親切感添.

擺放在街道上幼稚園學生的勞作.

 

 

係想像唔到大水煲點用, 好危險..
 

今日的雨沒有停過.
 

 

晚飯在札幌車站Stellar Place的 [銀座ハゲ天],
餐牌主要都是炸物天婦羅.
唔知係人手唔夠或是堅持,
雖然室內有好多座位, 但仍要我們在門外等候,
要等了廿多分鐘.
 

我要的溫泉蛋天婦羅定食, 記憶中好似第一次食炸蛋,
全都是剛剛炸起上枱的, 熱辣辣, 脆卜卜, 不過真係好熱氣.
朋友要的天婦羅套餐更是獨件炸起的,
每炸好一件, 廚師親自送到客人的桌上.



幸好預早在超市買了個蜜瓜, 可以清清熱氣.



還有幾乎忘記放在雪櫃的布丁.



有互聯網真方便,
見到酒店附近有hmv,
囡囡傳來佢想要的cd相片,
去到不用自己找, 遞部手機上的相片給售貨員看,
好快搞掂...還莫名其妙的減了1500yen呢.
dir en grey是囡囡的,
coffee break jazz是husband的,
我就揀了宮崎駿的.