5日4夜行程, 凌晨機去早機返, 都係足足4日行程
因為凌晨機, 落機之後去到酒店都係早上9點幾, 諗住放低行李會即刻出動, 我要爭取睡眠時間, 一上機食咗半粒教教豬藥, 瞓到落機.
第一日真係好襟玩, 來來去去四維逛, 去埋神戶食午餐, 好耐都未天黑, 不過嗰晚就超攰, 一撻落床就見到周生, 真係太好啦 ~ 周生好難搵, 佢成日唔睬我架.....
好似未試過搭咁夜機
到步早餐, 好懷念LAWSON嘅飯團呢, 大蔥拖羅手卷第一次食, 好香蔥味呀, 之後仲食咗幾次.
第一個景點..黑門市場.
今次行黑門市場遇到好多香港人呢.
行街市最開心.
唔係即開嘅生食蠔, 都係無乜信心, 不過香港自助餐用嘅生蠔好多都係急凍.
今次見到好多雞泡魚
呀女柯打要買雞泡魚乾
好鮮味嘅大拖羅, 不過我無食, 一早唔敢食生冷野.
見到你無牽無掛又可以出征......真羡慕!!!!
回覆刪除啲大拖羅真係好吸引呀!!! 睇到流晒口水添!!!
[版主回覆02/07/2012 13:47:41]個女大咗, 佢有佢自己工作, 我可以有自己時間, 依家係收成期咁囉, 襯仲可以走吓, 唔困喺香港啦.
睇到都好開心。
回覆刪除[版主回覆02/07/2012 13:48:21]出去休閒吓好開心呢!
呢個市場令人心花怒放!
回覆刪除[版主回覆02/07/2012 13:48:55]有好多我鍾意嘅野...
齋行街市,冇去買衫咩?完宵節快樂!
回覆刪除[版主回覆02/07/2012 13:50:55]時間好早, 大丸未開門, 所以行吓街市, 我都好鍾意行街市呢, 香港除外..嘻嘻..
嘩, 咁多好嘢
回覆刪除[版主回覆02/07/2012 13:52:29]係呀, 又乾淨又整齊, 又可以食魚生刺身, 不過一早我唔敢食生冷野.
好吸引.
回覆刪除[版主回覆02/07/2012 13:54:41]好多野睇, 同埋香港賣得好貴. 好似一pack士多啤梨, 香港要百幾蚊, 佢3百幾yen.
好懷念的關西機場呀! 妳比我去得更密喎! 黑門市場冇去了, 有金時人參賣喎, 有冇買番條來補吓呀hahaha! d 拖羅好靚呀, 比著我, 點忍呀!
回覆刪除[版主回覆02/08/2012 12:32:40]搭幾個鐘機就到好方便呀! 其實我唔係好食魚生刺身, 由其白雪雪嗰種, 好似鯇魚..
我地住嘅酒店好近黑門市場, 所以都行咗3次, 今次無買金時人參, 下次去又識買咩嘞, 日本柿乾好好味好正呀, 之前係sogo見有得賣, 不過一盒要百幾蚊, 市場賣都係5百幾至9百幾yen, 買得3盒, 原來好好味架.
中國產, 未必係強國呀, 日本都有的中國地區, 即係廣島呀, 山口縣, 鳥取縣那邊呢, 如果係敝中國, 冇理由大大隻字寫出來吧~~~
回覆刪除[版主回覆02/08/2012 12:21:13]噢! 原來係咁, 我剩係知有個叫四國, 原來仲有中國.
嘩嘩嘩!好多野買嚟食,每次見到厘d市場,淨睇都發顛呀!
回覆刪除[版主回覆02/13/2012 23:10:57]我最鍾意都係行市場, 一路睇, 一路諗點pack佢走.
除非即食,如果唔係得個睇字仲殘忍!
回覆刪除[版主回覆02/20/2012 21:35:19]其實我唔係好嗜生野, 食得多個肚涼浸浸, 所以唔會食太多.