一對手踭痛咗幾個月, 睇公立嘅家庭診所, 醫生話係高爾夫球肘, 可能經常做重複動作引致勞累, 就好似抹窗打掃, 醫生開咗止痛消炎藥和胃藥, 不過d藥好勁呀, 雖然食咗手踭即刻唔痛, 不過就胃痛, 仲周身唔舒服, 食咗兩次都無食啦. 見私家醫生佢話消炎止痛藥要由腎或者肝去分解, 過勁嘅止痛我都唔適宜食, 做吓手部運動都有幫助.
最怕行街入商場, d門鬼咁重, 唔夠力推開, 有時要用個身去推開隻門, 有時又衰衰咁吼人地推開咗自己就跟急急腳住尾. 依家連掃地都要就住, 拎重野一定拎唔好啦, husband話我上網上得多, 成日拎住個mouse攪成咁喎, 要我少d上網睇吓會唔會好d.
我都唔打高爾夫球嘅, 無啦啦有個高爾夫球肘, 真係唔抵呀~
今晚有好多朋友到訪, 我一個人煮15人嘅晚餐, 之後真係要好好休息吓啦..
Take care! Happy New Year!
回覆刪除[版主回覆12/31/2011 15:17:19]Thanks! Happy New Year~
咁你暫時唔好搓麵包住啦!祝你新年快樂!身體健康!
回覆刪除[版主回覆12/31/2011 15:18:13]多謝你呀! 也祝你和家人新年快樂! 身體健康!
Take good care ar!! Happy New Year
回覆刪除[版主回覆12/31/2011 15:18:40]謝謝你呀! 祝你和家人新年快樂! 身體健康!
咁你唔好煮咁多人嘅晚餐啦.
回覆刪除[版主回覆12/31/2011 15:19:28]好難得佢地嚟, 辛苦少少都值嘅~
以我所知高爾夫球肘係無得醫的, 好似你話齋, 減少重覆的動作, 減少提重物品等等, 希望不要繼續惡化, 同埋止痛藥好傷胃, 可以唔食就唔好食la.
回覆刪除祝新年快樂及身體健康!
[版主回覆01/04/2012 13:37:41]多謝你呀~ 係呀醫生都話唯有做d運動保養手部, 唔好比佢惡化. 有朋友叫我做針灸, 不過我怕打針呀, 接受唔到咁多支針一齊拮落嚟.
祝新年快樂及身體健康!
物理治療師, 應該可以幫到妳的. 我覺得, 身體要好就好, 要壞就壞, 冇乜因由嘅, 都唔就得咁多. 最多壞的時候醫下佢, 好嘅時候玩多d食好d.
回覆刪除[版主回覆01/05/2012 22:44:58]係啦, 我都係諗住影響到日常生活先算囉, 或者痛痛吓唔痛...