Rity Yc's Blog

2014年6月6日星期五

松露醬溏心蛋

前幾日行太古城超市,
見到有孖裝松露醬$139兩樽,
真唔敢相信, 因為平時一樽都要百多元.
唔知係咪好耐無行超市, 見到樣樣都想買,
咁就比佢拖走咗我一隻金牛,
哈哈! 全部都是食物來的.

松露醬包裝內有一張小咭,
兩面都有一個食譜,
一個係黑松露溏心蛋,
另一個係牛肝菌醬伴意大利粉,
兩個煮法都好簡單,
今日試咗黑松露溏心蛋, 好美味呀.
其實我都有去上堂學整溏心蛋,
蛋的數目和時間要處理得好,
覺得好難, 所以一直都未有煮過,
第一次整就成功好開心呢.
husband食過之後話...以後點出去食嘢!

意大利樂其雅食譜:
雞蛋4隻
鹽2茶匙
黑松露菌醬適量
1.將生雞蛋從冰箱取出後先泡在水裡至少一小時直到恢復室溫.
2.開水於鍋中煮沸後轉小火, 倒入鹽, 接著放雞蛋.
3.把雞蛋煮2分鐘, 熄火焗4分鐘.
4.將雞蛋浸泡在冷水裡冷卻, 避免餘溫使蛋黃熟透.
5.輕輕撥開蛋殼後, 將雞蛋對半切開備用.
6.最後, 在溏心蛋上放上適量黑松露醬即可.

我的經驗是要用個大又高身的煲, 水要起碼一半以上.

一樽黑松露醬, 一樽牛肝菌醬, 各90克一樽,賣$139真係好抵呢.
和朋友講, 朋友都有去買, 朋友話係做緊推廣, 在太只做一星期推廣, 早知我買多一pack喇.

2014年6月4日星期三

團友聚會

很久沒有和團友在我家開大餐 lu,

因為團友怕我攰, 所以近年的聚會都係去團友屋企, 真係唔好意思呢.

團友好就我架, 我只係整咗少少嘢食,

其他食物都係團友買嚟, 多謝晒你地呀!

今次聚會目的係講下今年秋季去九州行程,

食得好開心呢!

今次多了兩位新團友,

特別在花虛買咗靚花點綴下.

團友拿手美味沙律,
我就整咗個新鮮士多啤梨沙律汁.

今次食咗三種蠔, 一共六打,

要多謝幾位開蠔猛男呢!

真係冰脆鮮味.

特大牡丹蝦, 比起在日本吃的更鮮味.

蝦頭用焗爐烤的功能烤熟, 好野味.

我怕膽固醇當然無食囉.

一個羊架原味焗,

一個羊架用保雲酥焗,

團友話要七成熟, 真係考起了,

好彩今次無令團友失望.

鹵水雞翼.

失水準的西班牙海鮮飯,

煮八人份量飯真不易呀.

還有兩款飯後甜品,

真滿足, 感恩!

其實九州之旅是下一個旅程,

今個月尾會去美國探弟弟一家,

弟弟已經編好行程帶我們去拉斯絰加斯和加州,

另外會抽一兩日去紐約探親戚,

好緊張呀, 早一排已經開始跑下步,

希望整個旅程精精神神.

2014年6月2日星期一

今日食咗糉未呢~

又到端午節,
今日天氣好好, 沒有下雨又有些微風,
在家沒開冷氣都可以.

每逢端午節奶奶都包糉比我地,
一食就食咗三十多年,
奶奶包的糉真材實料,
每隻糉都有成粒乾瑤柱, 腩肉, 冬菇, 鹹蛋黃,
囡囡鬼咁有心, 食完打電話比嫲嫲講多謝,
又唔見佢對我地咁細心喎....

祝大家端午節快樂!

2014年5月31日星期六

沒有再簡單～粟米午餐肉飯

大熱天時，

一碟粟米午餐肉飯真係爽呢！

一罐忌廉粟米、一罐細午餐肉、一隻蛋

就得囉！

一個雪糕蛋糕透心涼

2014年5月28日星期三

熱辣辣廸士尼

25, 26, 27日, 連續三天都到過廸士尼區.

因為一張廸士尼會員生日送的65折優惠劵,
25日到了廸士尼酒店晶荷軒吃晚飯,
一家三口吃得開心.

再為了一張下午茶套餐買一送一優惠劵,
26日和husband又到廸士尼大堂餐廳吃下午茶,
靜靜的吃得舒服.

有朋友由美國回港,
27日特地和他們一起去樂園玩,
噚日真係熱得要命,
我一張相都沒拍,
手上的小毛巾沒有離手, 要不停抹汗,
而且由下午一點逗留至煙花完畢,
成個人散晒,
食埋飯回家已經差不多12時,
雖然攰, 但係點都要敷番個美白補濕媽S.