黑森林蛋糕

最喜歡吃黑森林蛋糕, 上堂學習也學過3次, 
第一次在中電的[中電樂廚坊](早幾年已經執了),
導師教得很差, 中層夾著只有忌廉, 
餅面只唧上一大堆cream,食譜也掉了.
第二次在[Friandise Cooking Stuido](也執了多年),
做法簡易, 味道也不遜色.
第三次在[black n white Chefs],
用料多, 步驟也不少, 
味道有層次, 有高級蛋糕感覺.
今次就做了個簡易的, 不用在廚房企6小時.(上次整black n white的整了6個鐘)

 今次都要讚下自己, 將蛋糕底切開3份切得好靚.

最怕在家整朱古力, 要清洗一大餐.

見到咁已經好想食, 但要留明天做早餐.

 我無乜藝術細胞, 唔係好識裝飾. 

兩個幾鐘已經整好個餅, 
整完嘆杯玫瑰花茶加麵包,
甜包同芝士唔夾架, 只係想清埋少少芝士.

呀女放工見到話要食,
百彈齋主平時唔吼我整嘅嘢,
今次真係比面,
問佢好唔好食, 問咗好多聲先答我,
:蛋糕底有好多氣孔喎.

Continue Reading...

黑森林蛋糕

上個月學整的黑森林蛋糕送了給朋友, 
所以不知道味道如何.
終於買齊材料可以再整一次, 
呢個蛋糕的材料真不少呀, 
蛋糕分四個部份, 
蛋糕底, 朱古力餡, 車厘子餡和慕絲,
自己一手一腳量材料, 煮餡料, 焗餅,
和簡單的修飾,
仲有係咁洗呀洗, 
足足整咗六個鐘有多.

Koo sir話黑森林蛋糕係講求味道, 外貌係其次,
亂咗d, ok喇!

車厘餡材料.

蛋糕底材料.
因為已經進入作戰狀態, 
所以沒有影其餘材料,
也沒有影太多相.

蛋糕底.

酒浸車厘, 個樽蓋太大, 
完全無法打開, 
好彩husband及時回家, 唔使整整下停工.

真係好好味呢, 

好大工程, 唔知幾時再會整.

個黑森林蛋糕用咗11隻蛋黃, 3隻半蛋白, 

於是乎煮咗個金華火腿炒蛋白做晚餐.

早一日煮定嘅梅菜炆肉排.

煮多煲粟米魚肚湯.

跟住落嚟八下囡囡一件事~
話說呀女上個月去東京旅遊幾日, 
返到香港發覺唔見咗"呀毛", 
於是send 電郵去住過的民宿問問, 
原來"呀毛"真係流落異鄉呀, 
好幸運地開民宿的澳洲人老闆肯寄返嚟香港,
仲係免費, 老闆真好人,
如果唔係"呀毛"就要落籍日本lu.

返到屋企, 呀女嗱嗱聲幫佢洗個熱水浴, 
當堂醒晒.

話"呀毛"受驚喎, 
要pinky錫番,
pinky係芝麻街, cookie monster細妹,
pinky只在日本先有嘅呢.

Continue Reading...

日式芝士餅

好友聚會我要負責甜品, 已經好耐沒整喇, 整個簡簡單單日式芝士餅赴會, 希望好友喜歡.

材料 :

芝士 150g
鮮忌廉 100g
糖  80g
粟粉  20g
抹茶粉  8g
麵粉      20g
蛋黃      4個
蛋白      4個

(先預備)

盆掃油, 圍邊用牛油紙.

預熱焗爐160度. 

先將芝士加 鮮忌廉座熱水煮溶, 水不要滾.

  離火倒入蛋黃4隻攪勻.

拌好離熱水加粉類.

麵粉, 粟粉和抹茶粉篩好, 放入蛋漿內拌勻.
攪勻至無粒粒, 備用.

將蛋白4隻打至起泡,
加入糖打至企身.

先將1/3 蛋白放入芝士漿內攪勻, 必須攪勻,
將芝士漿倒入餘下蛋白內, 用蛋拂拌勻.
把芝士漿倒入模內.
座熱水焗, 160度 45分鐘.
因為座水焗, 如果用甩底蛋糕模, 一定要用鍚紙包好模的底部, 以防入水.

沒有裝飾.....

Continue Reading...

香蕉合桃雪芳蛋糕 (16cm模)

近排做了幾個雪芳,
覺得最美味都係香蕉合核,
呢日又做多一個..

Continue Reading...

幾乎每日一糕

好友自從買咗部新焗爐,
又和她去買電動打蛋器, 糕模等等..
就開始佢嘅烘焙樂趣,
好友真係有心機.. 毅力.. 鬥志..
試過一日內, 自已一個人在家做咗3個戚風蛋糕,
因為第一個失敗, 第2個唔滿意, 於是做第3個.....
見佢整得咁開心, 我都襯下熱鬧~

Continue Reading...

huaband 的早餐 ~ 朱古力合桃蛋糕

husband的早餐好易辦,
因為husband早上食鹹甜都無所謂.....
都好耐無整蛋糕啦,
屋企有齊材料,
可以開工囉!

Continue Reading...

無油乳酪蛋糕

雪櫃嘅的乳酪和鮮奶快要到期, 天氣凍, 唔想食冷冰冰乳酪, 唯有用佢整蛋糕, 心想加咗乳酪, 唔使落菜油都可以掛!? 好! 就唔落菜油試試....出嚟效果超讚呀, 鬆軟得嚟有質感呢! 不過又無乜乳酪味囉.

Continue Reading...

日式芝士蛋糕

我去咗旅行期間, 呀女喺屋企學人整藍莓芝士餅, 用剩咗d cream cheese和fresh cream就好似棄嬰咁留咗喺雪櫃無人理, 為咗清咗佢, 又唔想再買其他材料配佢, 整咗個幾年無整過嘅日式芝士蛋糕.

Continue Reading...

水蜜桃撻伴芒果熱熱果雪糕

今日下午無出街, 喺屋企整咗個上個星期喺L'Atelier du Goût 學嘅撻, 好少咁有效率 ~

無法式mousse圈, 用個撻模頂住檔先.

 

今日嘅下午茶 ~

食完下午菜, 要執吓個廚房lu...

Continue Reading...

朱古力雪芳蛋糕

上回講到食飽飽星洲美食, 返到屋企先醒起唔記得買麵包比husband 做早餐, 一入屋就直踩入廚房量材料嘞, 最方便又快嘅當然係雪芳啦.

 

好快就焗好啦!

 

1. 蛋白4隻和糖30g打起待用.

2.蛋黃3隻和糖30g打勻, 加入菜油33g打勻, 再加入熱水45g拌勻(普通熱度);加入已篩低筋麵粉55g和朱古力粉25g(我用Godiva dark chocolate powder)

3.先將1/3蛋白拌入麵粉蛋醬拌勻, 再把餘下蛋白分兩次加入拌勻.

4.把麵漿倒入雪芳模內.

5. 放入已預熱180度之焗爐內焗25分鐘.

6.焗好後, 倒扣放涼後才把蛋糕取出.

 

 

近排焗嘅雪芳蛋糕都唔係好幼細, 要練多d先得嘞.

Continue Reading...

原味雪芳蛋糕

今日嘅天氣真係差, 天文台話空氣污染指數極高, 仲話會持續多兩三日.  唉! 我喺屋企都感覺到, 所以都唔想出街買餸 lu .....

唔買餸就有時間焗吓蛋糕囉...

好似係第2次係徒手脫模, 乾淨俐落, 又進步左啦...

 

 

husband第二日嘅早餐!

Continue Reading...

再戰斑蘭雪芳蛋糕

今次用180度焗

焗左10分鐘已經升到去頂

唔通又出問題

好緊張呀

好在升到咁上下無再升

 

 

出爐時好靚喎

 

 

不過未脫模都未知結果

 

 

第一次徒手脫模

成功啦

 

 

軟熟得嚟仲有d彈性

 

 

 

 

 

 

Continue Reading...

滑鐵盧 ~ 斑蘭雪芳蛋糕

本來打算整個斑蘭雪芳係週末行山時歎番個3點3

點知完全失敗

 

好認真咁去買d斑蘭葉返嚟打汁

 

 

打蛋黃.

 

 

打蛋白......一路都無問題吖

 

 

起初都發得斯斯文文

 

 

開始唔對路啦...

 

 

發到好似電左個爆炸頭咁

 

 

個底仲得人驚

咁嘅身世點帶佢去見人吖

失禮嘛

 

朋友話唔介意個形狀架喎...

唯有將個斑蘭雪芳斬件上嘞

下次一定要做好呢個餅

Continue Reading...