用戚風模焗麵包

用戚風模焗麵包好方便而且賣相又靚,

自從學整咗Winnie's Kitchen 的練乳牛油包之後,

心思思想再整,  

終於整個一個紅豆綠茶, 一個芝麻醬楓蜜.

  紅豆綠茶的麵團加了15g 抹茶粉.

 塗料用了 60g 紅豆茸和 20g 楓蜜糖漿均和.

這款紅豆茸好方便,味道唔錯, 有粒粒紅豆, 
買定隨時有得整.

 今次放得比較整齊, 沒有東歪西倒.

 實在美味, 還有剩餘紅豆茸, 會再整呢.

另一款係芝麻醬楓蜜.  

6月時祟光大減價, 買了幾樽芝士麻醬來塗麵包和整蛋糕, 
現在又多了一個用途.

 芝麻醬本身比較杰, 加些楓蜜均和, 比較易塗在麵團上.

 白雪雪的麵團比我整到一團糟的.

又係美味之作,

好多謝Winnie's Kitchen分享食譜呀.

Continue Reading...

練奶牛油包

睇到blog 友 Samwei 話這個練奶包近期好流行, 
樣子好奇趣, 我又跟下風.

 焗好的樣子都幾靚見得下人.

 我用麵包機搓麵團先可以搓得咁光滑.

跟著步驟切開4條塗練奶.
拌勻了牛油和練奶的味道已經好香好吸引.

食譜話要把切好的麵團垂直放入戚風模, 
我整唔到, 全部sir低晒, 想擺正佢, 愈擺愈亂.

 發起又幾可愛~

我無塗蛋液, 只係用番剩餘的牛油練奶漿塗在麵團表面.
沒有杏仁片, 改了山合桃切片.

焗起好香呀.

連husband都大讚好食.
下次想整紅豆抹茶.

Continue Reading...

麵包出爐, 間屋都暖d~

呢幾日真係凍,

喺屋企都要戴頸巾,

又要不停食嘢保暖.....

 

今日部麵包機幾有水準,

外形焗得靚, 而且外脆內軟.

用德國嘅紐倫堡腸, 加少許藏紅花,

味道幾得意, 再加d芝士就好嘞!

 

有新鮮麵包出爐, 間屋暖好多~

Continue Reading...

紅豆綠茶麵包

用左5年嘅麵包機好似壞壞地

連續兩次用佢焗麵包都發得唔好

發得一半,焗出嚟個麵包矮'得得'

今次只係用佢嚟打麵團

先煮好紅豆茸.

 

舖好卷起.

最後發酵.

 

放入焗爐焗好.

好軟熟好味呢!

 

Continue Reading...

是日晚餐: 義大利"0"號麵粉pizza

有次上烹飪堂,
老師話有隻 "0" 號麵粉整pizza好好食, 叫我地留意吓邊度有得買,
見到話佢知, 等佢買到就開班教整pizza,
喺香港真係唔多覺有,
喺義大利超市比我搵到,
買咗一包咁多,都成kg呀,
日日入廚房望見包麵粉都唔想郁佢, 總係覺得整pizza好大工程,
今晚'的'起心肝整pizza做晚餐...

Continue Reading...

肉鬆包

以前無咩信心整麵包, 所以都會用麵包機做晒全部程序,
用麵包機焗麵包, 就要跟足佢嘅份量, 要用250g麵粉,
250g麵粉做出嚟嘅包大概有1磅,
對我地嚟講都算多, 一日會食唔晒, 變咗好多時都要食隔兩夜嘅麵包,
的起心肝自己焗, 即係只係用部機去打麵團,
其餘步驟自己整囉..
咁就可以整一半份量, 日日清, 唔使食隔兩夜麵包呢..
好多謝老友們教我點整呀,
雖然無話用咩麵種又或者發酵幾多拾小時,
只係簡單嘅直接法, 但係對我嚟講已經好好味啦~

見唔到肉鬆嘅肉鬆包

Continue Reading...

近期佳作

husband食我整嘅早餐麵包都係隔了一晚的

因為husband很早便要出門返工

所以要早一日整定

'近期佳作'

係husband比呢個麵包嘅評語

佢話呢個包比以往的特別軟熟

 

雜莓車厘合桃芝士麥包

Continue Reading...

蕃茄濃湯烏冬 & 蕪花果合桃包

一人份晚餐 ~ 蕃茄濃湯烏冬
呢餐真係話咁易, 烚好烏冬, 餃子, 隔去水份, 放入湯碗, 再放上急凍熟蝦, 煮熱半罐罐裝蕃茄, 加水再煮滾後倒入烏冬內就食得啦~

Continue Reading...

鴛鴦卷

對整麵包有少少明白佢嘅步驟, 整落都唔係太難, 無以前咁 lei hei ~
雪櫃嘅紅豆茸夠整半份, 另半份用咗有機車厘子乾, 車厘子乾本身就好好味, 但係講味道始終都係紅豆同抹茶味夾d.

Continue Reading...

Cinnamon Pecan Rolls

噚日教會朋友帶我去學整Brownie, 仲可以喺果度食埋午餐, miss好nice即場整多兩款麵包比我地食仲教埋添, 趁仲記得d步驟快快整番次先, 因為係無食譜, 唔知份量, 唯有用番麵包機嘅份量, 剩係知步驟同記得發酵時間, 唔記得用幾多度去焗幾耐, 是但用咗一般嘅180度, 時間制按25分鐘, 再睇住佢嘅色水, 焗咗22分鐘半ok啦~
 

Continue Reading...

紅豆綠茶包

開工囉 ~
每次想整包包都係要'的'起個心肝先去做...

Continue Reading...

痴左線

梗係唔係話我自己喇

我講緊佢呀.....

咪係麵包機囉

個包焗到.....

好似d頂角膏蟹咁

頂晒蓋

你地話佢係咪痴左線吖

明明無落錯材料喎

Continue Reading...

紅莓山合桃麵包

雖然已經買左本麵包書, 不過仲未有時間睇, 暫時做左個A貨紅酒紅莓山合桃麵包. 材料份量跟番麵包機嘅食譜, 不過加左d poolish.

本來想做長形的, 搓起上嚟唔係咁得心應手, 都係做番圓形易控制d.

好軟熟呀, husband食過次後, 佢話唔食麵包機整果d喎.

check check 個櫃見d開心果快到期, 快快趣整埋個開心果朱古力曲奇.

Continue Reading...

2010第一包

自從年幾前整麵包整左舊石頭出嚟之後

對整包包無乜興趣, 因為無信心嘛

想食包包都係靠部麵包機

食嚟食去都係四四方方嘅麵包

食人地整嘅包包

食一次　羨慕一次

今日終於　～　～　～

整左兩個可以擺得入口嘅法法地嘅法包

預早整定一個 poolish

其實都唔知佢ok未

當然唔係全部我手搓啦

有麵包機幫手呀

埋面個麵團攪乜鬼

咪係比我搓 '喎' 左囉

呢條唔係我界嘅痕

係佢自己爆開的

我界嘅黏番埋

整呢兩個包都整左好耐吓

攪到我成4點幾先出去買餸

不過好鬼開心

買買吓野

諗起屋企呢兩個包都笑左出嚟

個皮好脆架

個心雖然唔係一絲絲咁

但都好軟熟

有今日嘅成績

真係要多謝diy嘅老友

Continue Reading...