說不去墾丁最終都是去了, 由酒店替我們訂車, 包一部的士8小時計算去墾丁, 費用5000元台幣. 回到酒店時多了15分鐘要補多200元.
司機伯伯好好氣, 差不多講足全程, 講得興奮時手舞足蹈, 手也離開'呔盆', 真牙煙.
我就嫌他太嘈太煩.
遊墾丁的景點都唔少, 有屏東縣, 恆春古城門, 海角7號拍攝場地, 龍鑾潭南岸, 台灣最南點, 墾丁出火, 墾丁船帆石, 墾丁大街, 後壁湖等等.
在屏東縣剛剛遇著廟會, 好熱鬧, 在這裡逗留得最長時間.
除了地上串串爆竹, 仲堆起幾個爆竹小丘, 燃燒時"砰砰澎澎", 我躲在大柱後不敢站近,因為要掩住耳朵,所以沒影到震撼場面. 勇敢朋友就影了.....
和朋友買了一打皮蛋和鹹蛋, 皮蛋是唐心, 鹹蛋就麻麻地, 蛋白唔鹹, 蛋黃乾身唔鬆化.
[出火]在恆春東城門外, 此處岩泥層的地質有很多裂隙, 地底的天然氣冒出地面, 點火燃燒形成這景象.
恆春古城西城門 , 司機伯伯帶我們行勻西南北城門.
[海角七號]拍攝場地[阿嘉的家], 我沒有看過這戲沒有感覺. .
龍鑾潭南岸, 都是到此一遊影張相, 無咩特別.
淡水河道和衝上的海水相撞, 形成旋渦, 海水變得很藍.
在恆春區漁會大樓內的飯店吃午飯, 餐牌上的價錢不算貴.
這碟灼鮮沙蝦只是250台幣. 其餘大約百多元至二百多元, 叫了六個餸,一支啤酒, 其中的螃蟹粉絲煲時價680元, 埋單2500元, 做遊客係要做下水魚.
這種菜叫[山蘇]第一次食.
粉絲蟹煲味道唔錯, 不過蟹肉焾焾的.
墾丁大街.
司機伯伯成日話一日遊墾丁, 只可以走馬看花, 車左我地去台灣最南點, 話行出去要行500米, 叫我地影呢張相算喇.
ipad影相都唔錯播, 微距都影得好清, 實物大係上一張相圓筒入面的沙粒.
遠望在海中的石頭似艘即將啟航的帆船所以叫[墾丁船帆石] , 真係想像唔到.
途經這個情景似曾相識.......唐家大宅外.
回程時的士司機可能怕我們悶, 開了音樂, 聽來聽去都是黎天王的歌, 再留意一下, 都是同一首歌, 於是乎.....聽了兩個鐘黎天王一首歌.
的士伯伯介紹的金鑽夜市和隔鄰的凱旋夜市, 都不及六合夜市吸引, 行了大約十五分鐘便走了.
一定唔會食囉.
最多人玩的摸牌遊戲, 唔知佢點玩呢~
晚餐吃這個薑母鴨, 其實都唔知咩菜色. 團友說台灣很出名.
原來是打邊爐的, 即係豬骨煲雞煲咁, 薑母鴨煲有半隻鴨肉, 很多老薑, 佢嘅比較濃, 而且好好好肥, 食時有些抗拒, 惟有吃多些菜和木耳.
在高雄食店好難搵到可樂, 全都是本地飲料, 呢支酸梅湯十足十咳藥水味.
食飽回酒店lu, 因為沒有地方好行, 兩晚都是好早就返酒店, 唯一好消遣就是上網.
在房內無無聊聊搬晒在往墾丁途中買的蓮霧出嚟影相, 數一數有33個都是500台幣, 好抵呢.
Continue Reading...
