到中環的嘉年華行了一轉,
機動遊戲太刺激, 唔啱我,
本想待至天黑時坐摩天輪, 欣賞夜景,
但愈夜愈凍又大風, 留了唔夠一小時便走人.
獎品唔吸引.
見到有人玩完呢個機動遊戲,
返回地面時成個呆晒, 行都行唔到.
同husband講唔好企得太近,
機上面的人唔知會唔會嘔嘢落嚟.
Continue Reading...
今年很特別, 第一次會在外地過農曆新年,
要早d食下馬蹄糕, 蘿蔔糕, 買年花~~~
材料: 馬蹄粉230g, 冰糖450g, 水大約2130g, 馬蹄肉約720g(買了兩磅半馬蹄, 去皮之後大約有720g).
馬蹄去皮.
冰糖用1370g水浸溶(浸過夜差不多溶, 如果煲溶的話, 水份量會少了)
馬蹄粉用760g水浸透.
馬蹄切片, 切粒,或者放入保鮮袋內拍爛都得.
將馬蹄肉放入冰糖水煲至大滾.
將粉漿倒入滾透的馬蹄糖水攪勻, 邊倒邊攪.
倒入糕盆蒸30分鐘, 待涼放雪柜.
這份量可以整到兩大兩小兜.
這幾晚甜品都係煎馬蹄糕.
買了幾支玲蘭.
本來可可愛愛的, 可惜被店員包得太大力, 很多花都扁了.
因為近情人節又買了玫瑰.
最後買了一盆風信子, 旅行完回家時應該開花了.
Continue Reading...
有日經過一檔收賣舊電器檔仔,
聽到有個婆婆問, 舊hifi收唔收,
收賣伯伯話要睇過先,
婆婆話: '真係日本做架'.
[日本製造]在好多人心目中已經認定係好嘢嚟.
這花樽原身喺一支日本清酒,
帶去朋友家吃晚飯,
酒飲完, 覺得個樽線條好美,
雖然有點唔好意思, 都係帶返屋企.
用嚟插花好靚呀~
睇中醫時我問醫師：金鷄鐵樹酒好唔好？
醫師：聽過個名，但唔知係點，因為個名好得意所以記得有咁嘅酒，等我得閒去了解一下。
我：咁養命酒好唔好？
醫師：我睇過成份都可以架，幾好架，起碼[日本製造]吖嘛。
聽到心笑了！
去年到日本九州櫻島旅行時買的火山灰岩花盆,
話說種花不用施肥, 因本身有好多養分.
花開得好燦爛.
終於買番個玻璃膽熱水壺用，仲係[日本製造], 三佰蚊唔使.
煲前年去日本時朋友送的,原身的蓋跌爛咗，換了一個微波爐用的玻璃蓋，又突然爆了，今次比個不銹鋼佢，一定唔會爛喇！
呢個煲使用率都好高架,
煲湯, 煲飯, 炒餸菜, 蒸肉, 煎蛋都用佢, 貪佢易洗.
近排執屋, 在箱底搵到呀女小學的玩具,
佢唔玩架喇, 但係都唔可以'dum'喎.
[龍珠]係佢細時最鍾意睇嘅日本卡通片.
連漫畫書都儲有唔少, 當年係見佢乖咪買一本比佢.
講下少少題外近況先~
有日買完餸, 突然好想食d鹹嘅零食,
經過seven,買咗呢兜好耐無食過嘅東西回家吃, 仲有一杯即磨咖啡. 跟住whatsapp張相比呀女,
呀女覆我: "呢個野係我食到最求期, 又唔想用錢食飯時候先食既太空食品... 佢直頭係一堆化學物品...."
真係好難食, 完全無味道, 個胃好想排斥佢, 咖啡喝一口都倒了.
紐西蘭寄來的信, 竟然有咁靚郵票.
係朋友都知我出親門都病,
有次同朋友傾計, 講住過邊間酒店有污糟嘢,
我話: '我病果次果間呢',
朋友們不約而同齊聲話: '你有邊次旅行唔病架'.
我聽到都覺好笑.
近排積極食中藥, 希望調養一下身體,
旅行精精神神.
依家煲藥好叻架喇, 唔使點睇火,
食埋呢碗已經食咗24日藥,
可以暫停抖下, 煲藥真係好困身.
Continue Reading...
上個月學整的黑森林蛋糕送了給朋友,
所以不知道味道如何.
終於買齊材料可以再整一次,
呢個蛋糕的材料真不少呀,
蛋糕分四個部份,
蛋糕底, 朱古力餡, 車厘子餡和慕絲,
自己一手一腳量材料, 煮餡料, 焗餅,
和簡單的修飾,
仲有係咁洗呀洗,
足足整咗六個鐘有多.
Koo sir話黑森林蛋糕係講求味道, 外貌係其次,
亂咗d, ok喇!
車厘餡材料.
蛋糕底材料.
因為已經進入作戰狀態,
所以沒有影其餘材料,
也沒有影太多相.
蛋糕底.
酒浸車厘, 個樽蓋太大,
完全無法打開,
好彩husband及時回家, 唔使整整下停工.
真係好好味呢,
好大工程, 唔知幾時再會整.
個黑森林蛋糕用咗11隻蛋黃, 3隻半蛋白,
於是乎煮咗個金華火腿炒蛋白做晚餐.
早一日煮定嘅梅菜炆肉排.
煮多煲粟米魚肚湯.
跟住落嚟八下囡囡一件事~
話說呀女上個月去東京旅遊幾日,
返到香港發覺唔見咗"呀毛",
於是send 電郵去住過的民宿問問,
原來"呀毛"真係流落異鄉呀,
好幸運地開民宿的澳洲人老闆肯寄返嚟香港,
仲係免費, 老闆真好人,
如果唔係"呀毛"就要落籍日本lu.
返到屋企, 呀女嗱嗱聲幫佢洗個熱水浴,
當堂醒晒.
話"呀毛"受驚喎,
要pinky錫番,
pinky係芝麻街, cookie monster細妹,
pinky只在日本先有嘅呢.
Continue Reading...
獎品唔吸引.
見到有人玩完呢個機動遊戲, 
