自家製义燒

我説買豬肉整义燒，
肉檔老闆特登開一隻豬，
切出3塊梅頭肉，
接上手肉還是暖的，
果然是好豬，
义燒肉質鬆軟，
肥廋適中，
义蛋飯，义燒麵靠曬你喇！

接上這三件梅頭，心諗一定要比心機做好佢，
打開雪櫃才發現海鮮醬剩番少許，
甜麵醬又用完，
唯有盡量用其他醬料:－
大約一斤梅頭（60元）
大約一湯匙海鮮醬
一茶匙鹽
4湯匙糖
半湯匙薑汁
3湯匙半生抽
一茶匙老抽
一湯匙玫瑰露酒
一茶匙日本麵豉醬
放雪櫃醃過夜

 250度焗18分鐘
反轉面焗12分鐘
（視乎豬肉厚薄，
今次豬肉比較大件，
按落义燒質感覺得未夠時間，
再用190度焗多15分鐘）
焗好塗上蜜糖
放涼20分鐘才切！

醃肉剩下的醬料,
加同等份量水煮滾用作做义燒汁，
因為用左日本麵豉所以有些小粒粒，
煮滾時用蛋拂打就會溶曬，
今次好滿意，真係好好味！

Continue Reading...

沒有再簡單～粟米午餐肉飯

大熱天時，

一碟粟米午餐肉飯真係爽呢！

一罐忌廉粟米、一罐細午餐肉、一隻蛋

就得囉！

一個雪糕蛋糕透心涼

Continue Reading...

是日晚餐～瓦罉豉油雞

囡囡近日多數要加班，煮個她喜歡的豉油雞，雞脾沒有斬開，原隻留比佢。

1。雞洗淨索去水份,用半茶匙鹽和兩湯匙玫瑰露酒擦勻雞身內外。

2。半碗老抽，半碗水，一湯匙生抽，大約50克冰糖，薑片和肉蔥落鑊煮滾後放入雞，加蓋用慢火煮約30分鐘。

3。途中反轉雞一次和淋豉油汁數次，約30分鐘後雞熟, 豉油汁亦開始杰。

4。盛起豉油雞待涼，斬件放在瓦罉中，再放回豉油汁於煲內煮滾就開得飯喇。

我下次試下放片甘草或者陳皮，唔知會唔會好味d。

不過咁樣煮已經好好味,又簡單又易做，雞又滑。

Continue Reading...

是日晩餐～白切嘉美雞

天氣凍,又唔想出街，
日日都係簡簡單單食一餐。

呢隻嘉美雞是停止輸入活雞前一日買的,
在冰格雪了三個星期,
大火蒸二十分鐘,不要打開蓋焗十分鐘,雞肉仍然很滑的。

 

有時懶起上嚟, 晚餐煮個碟頭飯～肉醬煎蛋飯。

Continue Reading...

唔辛苦蘿蔔糕

噚晚想整蘿蔔糕 

執好材料

開咗個檔

先發覺個電子磅無電

材料份量惟有靠估無辛苦..

 

 

 

 

 沒有用臘肉

只有臘腸, 江瑤柱, 蝦乾

蒸起無咁肥膩 

 

  

蘿蔔份量多咗 

 又切得粗咗

味道都唔錯

大大盆

今日已經食咗一半.

Continue Reading...

是日晚餐 ~ 白豆咖哩炆羊肩, 蝦乾煮旺菜.

就快過年, 好多嘢執, 要煮d簡簡單單, 最好煮埋一大煲, 可以食多一餐.....

 

洋蔥煮茸晒, 加左白豆幾得意, 唔係好辣, 好以撈飯食.

 

煮蝦乾我鍾意先煎到蝦乾乾晒身脆脆地, 盛起, 煮好其他材料再把蝦乾回鑊, 香味好多.

特登早一日炆好羊肩, 放入雪櫃, 等d脂肪凝固在表面.

 

 哈哈 ~ d脂肪比我'畢'走晒..

 

整走左好多膽固醇喇! husband話無晒肥油會唔會唔好食....,無法喇, 唔想做'三高'人士.

 

Continue Reading...

是日晚餐 ~ 臘腸雞煲仔飯

 

踏入秋季, 見人人都整煲仔飯,

引得我都想食..

 

材料有雞, 臘腸, 木耳,

豉油,糖,粟粉,鹽, 油, 紹酒, 薑片醃材料片刻,

米洗好加水蓋過米表面約1吋,

高溫煮1分鐘, 再中火約7分鐘,至差不多水乾,

放入雞材料, 煮至雞熟約15分鐘,

煲好焗一陣.

切走大部份雞皮, 所以唔係好肥膩.

 

 

青紅蘿蔔粟米煲豬展.

 

已經很飽, 見到飯焦又唔忍得.

 

 

Continue Reading...

滬式鎭江骨

 用個le creuset煲炆出嚟嘅餸菜比起以往用不锈鋼煲的確係夠鑊氣好多.....

 

Continue Reading...

生炒排骨

曾經有一段時間經常到中電烹飪中心上堂,
可惜這烹飪中心已停辦多年,
各師傅都好用心教, 烹調出來的菜式味道不凡,
講真,我都幾鍾意無火煮食, 最好係清潔容易.

Continue Reading...

十勝大豆芽菜炒肉鬆

有日在朋友家試過朋友的清炒芽菜,
味道特別清香, 鮮嫩,
好似兒時媽媽炒芽菜的味道,
原來朋友買了部發芽菜機,
祖國產品, 要在掏寶網買呢!
於是叫個女幫我又掏一部返嚟,
以後有新鮮翠嫩芽菜食.




用發好嘅大豆芽切碎嚟炒肉鬆,
又加左兩粒元貝, 餸飯好正呀.

Continue Reading...

生炒排骨

曾經有一段時間經常到中電烹飪中心上堂,
可惜這烹飪中心已停辦多年,
各師傅都好用心教, 烹調出來的菜式味道不凡,
講真,我都幾鍾意無火煮食, 最好係清潔容易.

有一位劉師傅,更有大廚堅持的性格,
有次劉師傅教授[紅燒雙菇豆腐],
食譜當中有材料'新鮮草菇'
負責材料的呀姐卻預備了罐頭草菇,
劉師傅堅持要用新鮮草菇,
師傅話"罐頭我唔識煮..."
呀姐要即刻到市場買新鮮的草菇,
話時話, 我都唔鍾意食罐頭菇類,
所以我最喜歡跟劉師傅學煮中菜, 逢係佢嘅堂一定上,
今日拎番師傅的[士多啤梨生炒骨]食譜再煮一次.....

沒有買士多啤梨,
用了菠蘿代替, 一樣咁美味開胃.

Continue Reading...

回鍋肉

要我去買塊豬腩肉要有好大勇氣先得,
幾次想整回鍋肉,
到要買嘅時候,
見到佢個樣又買唔落手.....

我個女唔鍾意食港式粥,
佢話病先食架喎..
佢食粥只喜歡食潮州粥,
有次個女叫我煲水飯,
聽得我吖....
今日就煲煲水飯比佢嘆吓~

Continue Reading...

手撕花雕醉雞

自從喺台灣食窯仔雞係手撕嚟食,
覺得呢個食法好正,
最主要係唔使斬雞,
好方便吖...
呢個醉雞係用浸熟煮法,
加埋我又同佢按摩一大餐,
真係滑到不得了...

Continue Reading...

是日晚餐 ~ 粒粒廚餘炒野米飯

一人食飯可以很簡單...
將早前剩餘的炒埋一碟..
有羊扒粒啦
有青豆啦
有粟米
洋蔥
同埋野米冷飯

Continue Reading...

上海炒麵

很久以前, 工作的地方隔鄰是一間上海菜館,
最喜歡那上海湯粗麵, 每次都吃得清,
連舖頭的伙計都話我大食, 問我知唔知碗湯麵嘅麵有成斤重..
那些年食極都唔肥嘅, 幾好呀~
都食過唐拾義增肥丸架, 但都是瘦瘦的....
同事叫我大風千其咪出街呢..
依家剩飲水都肥呀~

Continue Reading...

涼瓜燴黃花魚

蒜頭豆豉涼瓜配煮咩野都咁好味

唔好話我成日煮西餐

今日食吓家常飯喇

 

Continue Reading...

蜜汁义燒

近排見好多朋友都自己整义燒, 我都整吓, 原來都唔係太複雜, 反而覺得最難買到塊靚嘅枚頭豬肉, 聽人講最好買"拖地豬肉"仲要肥嘅, "拖地"即係 "格肋底"對落同背脊之間嘅肉, 喺街市買豬肉時照講要"拖地", 不過個豬肉人兄唔多睬我, 照切舊瘦嘅肉比我, 今次識say no嘞, 大聲話: 我要肥嘅~ ~ ~

整好之後我可以唔食肥嘅部分, 近住肥嘅瘦肉都好食過瘦蚊蚊嘅瘦豬肉吖嘛.....

比想像中易整, 整好醃料, 醃兩三個鐘, 呢塊豬肉約5百幾克, 我用煤氣焗爐230度, 焗約30分鐘, 中途反轉一次, 最後塗上蜜糖再焗片刻即成.

醃料都係糖, 鹽, 生抽, 薑汁酒, 磨豉醬, 當然唔少得海鮮醬.

今晚加料 ~

Continue Reading...

梅菜扣肉

我husband同呀女都鍾意食梅菜扣肉, 連肥嘅肉都食埋, 但我就麻麻地, 無qouta 食啦.

前日行街市見到舊豬腩肉好明顯有五層(聽講話五層肉最靚), 買嘅時候隔離個呀嬸都話靚.

點知返到屋企原來我無梅菜扣肉嘅食譜, 唯有用我嘅智慧去煮, 煮好咗第一日唔食住, 留到第二日先食, d扣肉好焾好入味.

至於d梅菜, 我發覺近幾年都好難買到靚嘅梅菜, 硬係覺得d味道怪怪地, 又半透明咁, 無細個嗰時食嘅梅菜咁好味, 超市已經唔見有石澳梅菜賣. 有日經過西灣河街市, 喺路邊嗰間雜貨舖買咗少少, 今次用咗嚟煮, 好好味, 似番以前食嘅,  得閒經過要入定貨先. 

 

1.梅菜洗淨切粒, 加些糖同油醃.

2.豬腩肉(買左20蚊)出水, (下次會煎一煎表面, 等層皮好樣d)

3.將豬肉排在碗肉, 皮向下, 上面舖上梅菜, 薑片同蔥.

4.細半杯熱水, 一粒冰糖,(攪溶) 一湯匙老抽, 半湯匙生抽, 半粒八角, 幾粒花椒, (我諗加d蠔油好味d, 不過屋企無), 加入梅菜豬肉內, 蒸至焾. 蒸吓又熄火焗吓, 大概蒸咗3個鐘.

5.最後倒咗d汁出嚟加些生粉埋芡, 再淋在梅菜扣肉上.

雖然唔知係咪咁煮, 但好好味囉.

Continue Reading...

清倉大行動之泰式蝦仁粉河

朋友舊年去泰國買咗包乾河粉比我, 一直都無興趣拎出嚟煮, 糧倉愈來愈多野啦~

包河粉有三包調味粉, 一包係撈落已烚焾嘅河粉, 兩包係煮好後灑上面, 其中一包係芝麻, 另一包食唔出係乜, 我自己加左d蝦, 蛋同甜椒.

 

酸酸地! 甜甜地! 辣辣地! 味道有d似星洲粉米.

Continue Reading...

清倉大行動之鼓油雞

去超市買餸最容易買多咗野, 舊年臨過新年時喺Sogo超市買年貨, 順便買定隻嘉美雞, 諗住放入冰箱等新年無餸可以整嚟食, 點知擺吓就雪咗兩個月咁滯. 噚晚'的'起心肝煮咗去.

husband話想食鼓油雞, 我咁大個人都未整個鼓油雞, 李錦記鼓油雞翼以前就整得多嘞, 於是拿拿聲打電話問老媽子點整, 原來都好簡單吓;

雞洗淨吸乾水份再用酒塗勻雞身內外, 半碗老抽, 一湯匙生抽, 半碗水加一粒冰糖(d份量都係大概啦, 我煮餸好少量調味料)落鑊煮滾, 放雞落鑊中慢火煮到收汁就得架啦, 我大概煮咗30分鐘.

斬雞時我都會起咗兩隻雞脾d骨, 因為最怕斬開雞脾d骨見到佢紅色, 但係要d雞脾骨都熟埋, 隻雞就會太熟變得好鞋.

 

雖然雪咗咁耐, d雞肉依然都好滑呀.

Continue Reading...